Ruth Heilmann Folketingimi qalipakkami nutaami nersorneqartoq
Folketingip qalipagarsuaq arnanik 30-nik 1915-imiilli politikkimut naalakkersuisunullu attuumassuteqartunik assiliartalik marlunngormat uleerpaa. Arnat akornanniippioq Inatsisartuni siulittaasuusimasoq Ruth Heilmann, arnat qalipanneqartut allat peqatigalugit uleersinermi peqataasoq
Ruth Heilmann qalipakkami saarlerni sanileriit pingajuanniippoq qorsummik qaqortumik nanutalimmik kavaajaqarluni
Trine Juncher Jørgensen
– Qanoq isikkoqassanerlunga pissanngatigivara. Allannguisoqarsinnaanngimmammi naammagisimaarniarlugu aalajangerpunga. Nuannaaqaangali. Kusanaqaangami, nanormi aatama tunniussaa atorlugu sulliseqarlunga ilisarnarpunga, Ruth Heilmann oqaluttuarpoq, taassumalu panini Vivi, ernuttani Ayla ikinngutinilu Maria Sethsen Folketingimi marlunngornermi novembarip 12-ani uleersinermut ilagai.
Qalipagaq 3 x 5 meterisut angissusilik Folketingip ataatsimiittarfiani nivingavoq, Herman Vedelip angutit 30-t 1915-imi tunngaviusumik inatsisip allanngortinneqarnissaanut piareersartut assiliartaasa saavani takussutissiaalluni.
Qalipagaq eqqumiitsuliortumit assilialiortartumit Mie Mørkebergimit qalipanneqarpoq, taassumalu ukiut marlungajaat qalipassimavaa.
Ruth Heilmann panini Vivi (talerperleq), ikinngutini Maria Sethsen (saamerleq) ernutanilu Ayla ilagalugit qalipakkamik uleersinermi najuuppoq
Trine Juncher Jørgensen
