Ujarak qaartitsinermeersoq 35 tonsinik oqimaassusilik, Ilulissani
mittarfiliornermeersoq qiperukkami annertuumi Dodekalittenimi
Danmarkimi Lollandimiittumi ujaqqat aqqaneq-aappaattut kingullertullu
inissinneqassaaq.
Dodekalitten (grækerisut: „ujaqqat
aqqaneq-marluk“) tassaapput ujaqqat aqqaneq-marluk iloqqasut 40
meterinik diameterillit, tamarmik immikkut qulaa'tungimikkut
kiinnamik qiperuiffigineqarsimasut, seqernup ingerlaarneranut
ataqqinninniarnertut isumaqarfigineqartut.
Ujarak qaartitsinermeersoq 35 tonsinik oqimaassusilik, Ilulissani
mittarfiliornermeersoq qiperukkami annertuumi Dodekalittenimi
Danmarkimi Lollandimiittumi ujaqqat aqqaneq-aappaattut kingullertullu
inissinneqassaaq.
Dodekalitten (grækerisut: „ujaqqat
aqqaneq-marluk“) tassaapput ujaqqat aqqaneq-marluk iloqqasut 40
meterinik diameterillit, tamarmik immikkut qulaa'tungimikkut
kiinnamik qiperuiffigineqarsimasut, seqernup ingerlaarneranut
ataqqinninniarnertut isumaqarfigineqartut.
Thomas Kadziola ujaqqamik
toqqaajartorluni siorna Ilulissaniippoq.
- Dodekalitten ullumikkut ujaqqanik
Norgemi Sverigemilu sumiiffinnit assigiinngitsunit tallimaneersunik
sanaajuvoq, maannalu Kalaallit Nunaata ilamernga eqqumiitsuliamut
ilanngunneqassalluni.
Munck Gruppenip ujararujussuup Ilulissani qaartiterinermeersup Lollandimut nassiunneqarnera akilerpaa.
Assi: Munck Gruppen
- Dodekalittenip ujaqqamik Kalaallit
Nunaanneersumik ilaneqarnissaa maannakkut iluatsimmat nuannaarutigeqaarput. Ujaqqamik båndgnejsimik taaneqartartumik
assigiinngitsunik qalipaatilimmik – qasertunik, tungujortumik
qernertumillu qalipaatilimmik qaamasunik aappaluttunillu
titarniusalimmik, Thomas Kadziola tusagassiuutinut nalunaarummini
taama nassuiaavoq.
Assartornera Munckimit
akilerneqartoq
Sanaartugassanik
suliakkerneqartartoq suliffeqarfik Munck Gruppen, Ilulissani
mittarfiliornissamut akisussaaffilik, ujaqqap angisuup
assartorneqarneranut akiliisuuvoq.
- Mittarfiliornermi sulisut ilaat
isumassarsisuupput. Taakku Lollandiminngaanneersuupput
Dodekalittenilu nalunngilluinnarlugu, Munck Gruppenimi pisortaaneq
Hans Christian Munck Sermitsiamut oqarpoq.
- Taakku nalunngilaat
eqqumiitsuliortoq ujaqqamik Kalaallit Nunaanneersumik
pissarserusuttoq, tamannalu pillugu Kair (maanna Greenland Airports)
oqaloqatigivarput. Akuersissuteqartoqareermat eqqumiitsuliortoq
maannarluni ujaqqamik toqqaajartorpoq.
- Ujarak angisooq 2 gange 2 meterisut
silissuseqarpoq 4 meterinillu takissuseqarluni. Lastbiilimut
oqimaatsunik usisartumut usiliuteriarlugu Royal Arctic Line
aqqutigalugu Danmarkimut nassiupparput, Danmarkimilu lastbiilimik
taamaattumik Lollandimut assartorneqarluni. Qujanartumimmi
suliassanut taamaattunut atortorissaaruteqaratta, pisortaq
nassuiaavoq.
Ujaqqanik qiperukkat 2010-mi
sanaartorneqalerput – tassa ukiut 16-it ingerlareerpata 2026-mi
qiperuisartup qiperukkani Ilulissaneersoq naammassippagu
piareerneqassalluni. Ujaqqat napasut saniatigut eqqumiitsuliaq
nipilersuutitaqassaaq, Wayne Siegelip erinniaanik, højttalerinit
aqqaneq-marlunnit, ujarassuarnit napasunit tamaneersunik
tusarnaarneqarsinnaassalluni.
