Upernavimmi Ilulissanilu politeeqarfiit kusassarneqarput
Eqqumiitsuliortoq Lisbeth Karline Poulsen Upernavimmi Ilulissanilu politeeqarfinnii marraat atorlugit eqqumiitsiliani kusassaatigai. Eqqumiitsuliat politiinit innuttaasunillu takuneqarsinnaallutillu malugineqarsinnaapput.
Foto: Grønlands Politi
Eqqumiitsuliortoq Libeth Karline Poulsen Ilulissani Upernavimmilu sapaatit akunnerini kingullerni kusassaalluni ulapaaqqammerpoq.
Ilulissani politeeqarfik sapaatip akunnerata siuliani tikinneqarpoq, tassani Lisbethip eqqumiitsuliat Inua II, politeeqarfiup paarsuaasaani takuneqarsinnaavoq, aammalu Nakkutilliisut, Ilulissani politeeqarfiup isuani takuneqarsinnaasunngorlugt nivinngarpaa.
Upernavimmi politeeqarfik aamma sapaatip akunnialui matuma siorna pulaarpaa eqqumiitsuliaq Inua I nivinngariartorlugu.
Taama Kalaallit Nunaanni Politiit Facebookimi quppernerminni allapput.
Eqqumiitsuliortumut suliaq ataqqinartoq
Lisbeth Karline Poulsenip politiiteqarfiit kusassarsinnaasimagamigit tulluusimaarpoq:
- Usorsisimaarutigeqaara taamak ataqqinartigisumik politeeqarfiit nutaat pinnersarsinnaagakkit. Aqqutaani ikiortigisimasakka tamaasa qutsavissaraakka, kisimiillungami tamaat isumagisinnaasimanavianngikkaluarpara.
Taassuma nassuiaatigaa Ilulissani politeeqarfiup nutaap isuani Sassuma arnaa qaammallu, assak, isi, eqqornaveeqqut niaqorullu ataatsimoortut aammalu inatsisinik maleruaasitsiniarneq takuneqarsinnaasut. Suliat paasimiunaatsuliat ersarissullu Upernavimmi Ilulissanilu kusassaataasut oqaluttuarinerarpai maluginiarneqarsinnaanngorlugit attorsinnaanngorlugillu suliarai, taamaalilluni attuuallugit qaavi misissuataarneqarluarsinnaapput.
