Fonden for Entreprenørskab Kalaallit Nunaanni siulittaasup ugguaqisup Jacob Nitter Sørensenip USAID-imit suleqatigiunnaarneqarnini sapaatit akunneri marluk matuma siorna nalunaarutigaa.
Fonden for Entreprenørskab Kalaallit Nunaat Amerikamiut aningaasaliissutaannik 100.000 dollarinik – 717.000 koruunit missaat – taperneqartarunnaarnerannik tamanna kinguneqarpoq, taamaalillutillu suliniutit ilaat ingerlassinnaajunnaarlugit, Jacob Nitter Sørensen nassuiaavoq.
Fonden for Entreprenørskab Kalaallit Nunaanni siulittaasup ugguaqisup Jacob Nitter Sørensenip USAID-imit suleqatigiunnaarneqarnini sapaatit akunneri marluk matuma siorna nalunaarutigaa.
Fonden for Entreprenørskab Kalaallit Nunaat Amerikamiut aningaasaliissutaannik 100.000 dollarinik – 717.000 koruunit missaat – taperneqartarunnaarnerannik tamanna kinguneqarpoq, taamaalillutillu suliniutit ilaat ingerlassinnaajunnaarlugit, Jacob Nitter Sørensen nassuiaavoq.
Maannali nutaamik neriuutissaqalerpoq. Aningaasaateqarfiup inuussutissarsiornermik piujuartitsisumik pilersitsinissamik inuiaqatigiinnilu inuusuttunik ilinniartitsinissamik sulinini ingerlatiinnarniassammagu Inu:IT-mik pilersitsisoq inuussutissarsiortorlu Martin Gjødvad aningaasanik katersuiniarniarluni neqeroorpoq.
Katersuiniarasuarneq
- Inu:IT inuiaqatigiinnut oqariartuuteqarniarluni aningaasaateqarfimmut 700.000 koruuninik pissarsiniarpoq – ilaatigut aningaasat 50 procentii nammineq tunissutigalugit, aningaasallu affaat attaveqaatinnit pissarsiariniarlugit katersuiniassaanga.
– Nunami maani ineriartorneq annikinnerulissanngilaq, taamaanngippat nuna namminiilivinnavianngilaq – taamaattumik siunertaq pitsaasoq pisariaqartorlu tapersersoripput isumaqarpunga.
- Kalaallit Nunaanni inuussutissarsiortunik Inu:IT-tullu ittunik suliffeqarfeqarnissaa pingaaruteqarpoq, tassami suliffeqarfinni naleqartitat pilersinneqartarput – aamma kalaallit inuusuttortaasa ilarpassui nunatsinni suliffeqarfinni ilinniartinneqartarmata.
- Inu:it ukiut tamaasa ataatsimik marlunnilluunniit ilinniartuuteqartarpoq, tamanna inuiaqatigiinnut qanoq pingaaruteqartigisoq nalunnginnatsigu. Kalaallit suliffeqarfii, Namminersorlutik Oqartussat kommunillu najukkami pisinerutillugit ilinniarfiit amerlanerusut pilersinneqartarput – Inu:IT-mi suliffeqarfinnilu allarpassuarni inuusuttut ilinniagaqarnissaannut akisussaaffimmik tigusisuni. Tamanna nunanit allaneersunit pilersuisunit allaanerussutigaarput, taamaattumillu Kalaallit Nunaata imminut napatissinnaasumik aningaasaqarnissaanut ineriartortitsinermi tamanna pingaaruteqarpoq.
- Suliniummut tapersersorneqarluarnissara naatsorsuutigaara. Siuttuullunga affaat akilerpakka – ullunilu tulliuttuni attaveqaatikka aningaasat sinneri pissarsiariniarlugit attaveqarfigissallugit. Iluatsissasoq qularinngilara. Suliniummi tamanut iluaqutaasussaavoq.
Trumpip tapiisarneq unitsikkaa
USA-p Fonden for Entreprenørskab Kalaallit Nunaannut aningaasaliissutai inuusuttut ilinniarfiini ilinniartitsissutissanut atorneqartussaagaluarput.
Jacob Nitter Sørensenip USAID-imik suleqateqarnerup unittoornera ajuusaarutigaa.
- USAID-imik suleqateqarnerput pitsaasuugaluarpoq, taamaammat aningaasaliissutit unitsinneqarnerat uggornarpoq. Inuusuttulli ilinniarfiini suliniutitta unitsinneqarnerat ajuusaarutiginerpaavarput, Jacob Nitter Sørensen oqarpoq.
Præsident Donald Trumpip USAID-ip aningaasaatai tamangajaasa unitsillugillu sulisut ilaat ulluni 90-ini angerlartimmagit USA-p tapiisarnera unikaallappoq.
USAID (United States Agency for International Development) 1961-imi præsident John F. Kennedymit pilersinneqartoq nunarsuarmi ajunngitsuliornermut suliniaqatigiiffiit annersaasa ilagaat. USAID-ip 70 milliardit dollarit missaat 2023-mi atorpai, soorlu imermut minguitsumut, nappaatinut katsorsartinnermut, sorsuffiusuni arnanut tapersersuinermut peqquserluttuliornermullu akiuinermut. Kattuffik nunarsuaq tamakkerlugu 10.000-it missaannik sulisoqarpoq.
