– Ullumikkut
tunisassiorfimmi ulloq tussunngunalaarpoq, Tyrkiami inuusoq suleqaterput Emine
Esgici ungasinngitsukkut soraarninngormat ukiuni 33-ni atorfeqareerluni.
Kalaallit Nunaanni ilisarisimaneqarunanngivippoq – imaassinnaavorli umiatsiat
glasfiberit kuisimasaasa ilaannik angallattut.
Taama
oqaluttuarpoq Lars Sandgreen, Hedenstedimi Pocanik tunisassiorfimmi
toqqorsivimmi pisortaasoq sullivimmilu avatangiisit pillugit sinniisuusoq.
– Ullumikkut
tunisassiorfimmi ulloq tussunngunalaarpoq, Tyrkiami inuusoq suleqaterput Emine
Esgici ungasinngitsukkut soraarninngormat ukiuni 33-ni atorfeqareerluni.
Kalaallit Nunaanni ilisarisimaneqarunanngivippoq – imaassinnaavorli umiatsiat
glasfiberit kuisimasaasa ilaannik angallattut.
Taama
oqaluttuarpoq Lars Sandgreen, Hedenstedimi Pocanik tunisassiorfimmi
toqqorsivimmi pisortaasoq sullivimmilu avatangiisit pillugit sinniisuusoq.
– Kalaallit
Nunaanni umiatsiaararpassuit tusindilikkaat Eminap sanaqataaffigisaasa ilaat
angallapput. Inuppassuit eqqarsaatigisarunanngilaat kiap angallat atorneqartoq
sanasimaneraa, isumaqarpungali oqaluttuatsialaasoq aviisimiittariaqartoq, inuit
Emine tusarniassammassuk. Pikkorillunimi suliaa suli ukiorpassuarni
angalaassajunnarsivoq.
Avannaani umiatsiaaqqat Pocat qilalugarniartut.
Assi: Poca
– Emine
ukiorpassuani angallatinik kuitsivimmut kuillugit sanaajusunik tunisassiornermi
pingaaruteqartut ilagisimavaat. Ukiuni tamani sulinermini kuitsiviit
kuisarsimavat. Ima suliaasarput glasfiberimerngit eqqortumik angissusillit
assigiinngitsunillu ilusillit polyesterimik akoorneqarlutik kuitsivimmut
kuineqartartut manngertillutillu.
Angallatit 4.000-init amerlanerusut Kalaallit
Nunaannut
Umiatsiaaqqat Poca 4.000-init amerlanerusut Kalaallit Nunaannut
1967-imiilli tunineqarsimapput, illoqarfinni nunaqarfinnilu tamangajanni
aalisartunut piniartunullu piniutaallutik pingaaruteqartut. Pocamik
pilersitsisoq Poul Erhardt Kalaallit Nunaanni sakkutuuni imarsiortuniissimavoq,
isumaqarlunilu angallatinut qajannaatsunut aalisartut piniartullu
ajoqusersimatillugu namminneq iluarsaassinnaasaannik niuerfissaq annertuujusoq.
– Kingullertigut
Pocat aamma takornarianut atorneqalersimapput, aalisarnermik nakkutilliinermi
allanilu Kalaallit Nunaanni sulinermi atugaallutik. Ilaatigut Greenland
Airports angallatinik Pocanik marlunnik pissarsisimavoq, Nuummi mittarfimmi
ujaasinermi annaassiniarnermilu atugassanik. Maannalu Ilulissani mittarfissamut
suli marlunnik pisiniarpugut, Lars Sandgreen oqaluttuarpoq.
Lars Sandgreen Kalaallit Nunaanni ukiorpassuarni sulisimavoq. Ilaatigut
Royal Greenlandimi aqutsinermi sulisimavoq, KNR-IMI pisortaalluni, Qaasuitsullu
Kommunerisimasaani kommunaldirektøriulluni, Avannaata Kommunianut Kommune
Qeqertalimmullu avinneqanngikkallarmat.
2015-imi Sandgreen Danmarkimut Hedenstedemullu nuuppoq nuliami
inunngorfianut. Taamanili tassaniippoq, Pocami toqqorsivimmi pisortatut
sullivinnilu avatangiisinut aallartitatut sulilluni.
Tamanna aamma pasisaqarnarpoq.
– Nunatsinni
umiatsiaaqqat Poca ilisimavakka, aatsaalli nooreerlunga ilisimalerpara Hedenstedimi sananeqartartut, Lars Sandgreen illarluni
oqarpoq.
