KL

DK

Assit takukkit: Hans Enoksenip politikkimi sulineranit assit

Hans Enoksen, Kalaallit Nunaanni politikeritut nuimanerpaat ilaat partiillu pilersitsisuat, toqukkut qimaguppoq. Politikkikkut sulineranit, Kalaallit Nunaanni allannguisitsisumit, oqaluttuarisaanermut tunngasut uani saqqummiuppagut.

Hans Enoksen 2014-imi Siumumit anillunilu nammineq partiiliorsimavoq, qinersinermilu politikkerit qinerneqarnerpaat pingajuattut inissilluni.
Morten Okkels Morten Okkels Journalist
Offentliggjort

Hans Enoksen Siumumi politikerit pingaarnerit ilaattut aamma Siumumut taarsiullugu allamik pilersitsisutut eqqaamaneqassaaq. Naalakkersuisut siulittaasuattut, Inatsisartuni siulittaasutut kingusinnerusukkullu partiimik pilersitsisutut politikkimik inuuneranit assit katersorpagut.

Hans Enoksen 2002-mi decembarimi naalakkersuisunut siulittaasunngoqqammerluni assilineqartoq. Politikkikkut sulinera Itillimi nunaqarfimmi siulersuisuni Sisimiunilu kommunalbestyrelsemi ilaasortaareernerata kingorna siuariartulertorpoq
Hans Enoksen 2002-miit 2009-mut naalakkersuisut siulittaasuattut Kalaallit Nunaanni namminersulernerup ineriartortinneqarnerani qitiusumik inissisimaffeqarsimavoq. Taamani Danmarkimi ministeriuneq Anders Fogh Rasmussen peqatigigaa uani takusinnaavarput. Tunuaniippoq Namminersorlutik Oqartussani pisortaq Kaj Kleist.
Hans Enoksenip kunngikkormiut 2004-mi Kalaallit Nunaannut tikeraarmata Dronning Margrethe Prins Henrillu Nuutoqqami tikilluaqquai.
Hans Enoksen parteeqatimi Jonathan Motzfeldtip naalakkersuisuni siulittaasuunerani piniarnermut, aalisarnermut nunaqarfinnullu akisussaavoq. Politikerit taakku marluk Siumumi pissaaneqarniunnermi kingorna unammillertigiilerput. 2006-imi ataatsimiigialerlutik ingiaqatigiittut takuneqarsinnaapput.
Hans Enoksen Tysklandip kansleriunera Angela Merkel 2007-imi Kalaallit Nunaannut angalammat tikilluaqqusisuuvoq. Taakku Ilulissat eqqaanni sermersuaq qulaanit takuniarlugu timmisartorput. Hans Enoksenip periarfissaq atorluarlugu silap pissusiata allanngoriartornerata piniartunut sunniutai erseqqissarpai.
2009-mi qinersineq Hans Enoksenimut Siumumullu ajorluinnarpoq, taakkulu namminersulernissaq sioqqullugu Naalakkersuisuni amerlanerussuteqarnertik IA-mut annaavaat. Tamanna Enoksenip partiimi siulittaasuujunnaarneranik Aleqa Hammondillu siulittaasunngorneranik kinguneqarpoq.
Hans Enoksen 2014-imi Siumumit anivoq, politikkimiilli tunuanngilaq. Partii Naleraq, kingusinnerusukkut Naleraq-mik taaneqartalersimasoq, pilersippaa. Parteeqatimi 2014-imi novembarimi Inatsisartunut qinersinissaq sioqqullugu allagartarsuinik ikkussuinerini nivattoq assimi takuneqarsinnaavoq. Katillugit pingasunik qinigaatitaqarpoq, Enoksenilu kingusinnerusukkut Kim Kielsenip naalakkersuisoqarfiani naalakkersuisunngorpoq.
Hans Enoksen 2018-imi Inatsisartunut siulittaasunngorpoq. Qinersinermut atatillugu KNR-imit apersorneqartoq assimi takuneqarsinnaavoq. Enoksen 2022-p tungaanut siulittaasuuvoq. Ukioq taanna Naleqqami siulittaasutut aamma tunuarpoq Pele Brobergilu taartigalugu.
naleraq grønland hans enoksen siumut samfund inatsisartut historie

Atorfiit tamaasa takukkit

– Se alle jobs

Powered by Labrador CMS