Timmisartoq Billundimeersoq putsernera pissutigalugu utiinnartariaqarsimasoq

Timmisartoq Jet Time Billundimeersoq ullumikkut Nuummiit Kangerlussuarmukaannartariaqarsimavoq.

Tamanna Nuummi mittarfiup eqqaani putserpallaarnera pissutigalugu pivoq. Air Greenland nittartakkamini taama allappoq.

- Taamaammat timmisartoq Kangerlussuarmut orseriartorluni ingerlaqqittariaqarsimavoq, kingornalu ilaasut tamaasa ilagalugit Billundimut utertinneqarluni.

Nuummi sila putserunnaaraluartoq timmisartumi inuttat piffissaq qasuersaarfissaat pillugu inatsisit eqqarsaatigalugit Nuummukariarluni Billundimut uternissaq ajornarsimavoq.

- Tamatuma saniatigut timmisartoq Nuummi unnuisinnaannginneranik peqquteqarluni, timmisartoq aqagu Danmarkimiit allamut atorneqartussatut pilersaarusiorneqareersimammat.

Billundimit sisamanngornermi juunip 18-ianni nalunaaqutaq 13.00 Nuummut timmisartuussinissaq nutaaq DAT-imik ingerlanneqassaaq.

Ilaasut eqqugaasut angalanissamut pilersaarut nutaaq toqqaannartumik nassiussarsiarissallugulu allannguutit Air Greenlandip app-iani malinnaaffigisinnaavaat.