Aaja Chemnitzip Múte B. Egedemit taamanilu Inuit Ataqatigiit
sinnerlugit Folketingimut ilaasortaasimasumit Johan Lund Olsenimit
amerlanerusunik taaneqareerluni Inuit Ataqatigiit sinnerlugit Folketingimut
qinigaaqqammerluni Tunngaviusumik Inatsit 2015-imi juunip 18-ianni atsiorpaa.
– Ulloq taanna eqqaamalluarpara.
Aaja Chemnitzip Múte B. Egedemit taamanilu Inuit Ataqatigiit
sinnerlugit Folketingimut ilaasortaasimasumit Johan Lund Olsenimit
amerlanerusunik taaneqareerluni Inuit Ataqatigiit sinnerlugit Folketingimut
qinigaaqqammerluni Tunngaviusumik Inatsit 2015-imi juunip 18-ianni atsiorpaa.
– Ulloq taanna eqqaamalluarpara.
- Ikinngutigilluagara katersortarfimmi
qinersinermut atatillugu unnussiuaarnermi ilagaara,
naatsorsuutigisimanngikkaluarparalu ilaatigut qallunaatut oqaaseqarlunga
kalaaliugama isersinnaassallunga.
Tassanngaannarli amerlanerpaanik taaneqarsimarpasillunga takulerpara.
Ikinngutiga nillerpoq, taava isersimasunga najuuttut tamarmik paasivaat.
Aaja Chemnitzip Folketingimut qinigaaqqammerluni Tunngaviusumik Inatsit 2015-imi juunip 18-ianni atsiorpaa. Maanna ukiut qulit Christiansborgimiissimalerpoq.
Assi: Thomas Lekfeldt/Scanpix
– Ullut marluk qaangiummata inuunera allanngorluinnarpoq. Kufferti immeriarlugu
ilaquttakka, inera, biilikka Nuummilu inuunera qimallugit aallarpunga.
Taamanikkut allannguinissamut piareersimavunga, ullormili tassani inuunera
qanoq allanngortigisimanersoq ilisimagunanngilara, Aaja Chemnitz
Christiansborgimi allaffimmiit oqaluttuarpoq. 200 millioninit 3 milliardinut
Aaja Chemnitzip ulloq siullerli suliassani suunersoq paasivaa. Nammineq
piumasani malillugu iliuuseqarusuppoq, tamannalu pioreersunut
unammillernissamik isumaqarpoq. – Folketingimi ilaasortat Atlantikup avannaaneersut Danmarkimi
politikkerinit Kalaallit Nunaanniluunniit maluginiarneqarpallaanngitsut
isumaqarpunga. Inuit attaveqaqatigiittarfii ukiuni qulini kingullerni
ineriartortorujussuusimapput, tamannalu Kalaallit Nunaanni Danmarkimilu
suliakka angusagullu pillugit attaveqaqatigiinnissamut iluaqutigisarpara.
Kalaallit Nunaanni suliniutinut aningaasaliissutit ukiut
qulit kingulliit ingerlaneranni quleriaammik amerleriarsimapput, ukiumut 200
millionit koruuninit 3 milliardit koruuninut, 2025-milu aatsaat taama
amerlatigisunik aningaasaliisoqassasoq ilimagineqarpoq. Inuttut pilliutit
– Kalaallit Nunaat sinnerlugu suliniuteqarnerup
ersarinnerulernissaa anguniarlugu ilungersornikuuvunga. Tamanna
tulluusimaarutigeqaara. Aamma ukiorpassuarni imminut ikinngutinillu
aalajangiusimanninnera nuannaarutigaara, kisianni sulinermut taama tunniusimatiginera
aamma inuttut pilliuteqarfiusoq ersarippoq. Akisussaafferujussuaq misigaara,
tamatumalu saniatigut Folketingimi Kalaallit Nunaat sinnerlugu sinniisuuneq
ataqqinaataangaartutut isigisaraara, Aaja Chemnitz oqarpoq, taannalu
piareersarluarsimanini, sulianik ilisimasaqarluarnini aaqqiissutissatullu
periarfissanik ersarissunik saqqummiussisarnini pillugit folketingimi
politikerinit allanit nersualaarneqakulasarpoq.
Aaja Chemnitzip Folketingimi ilaasortaaqqinniarnerluni suli
aalajangersimanngilaa. Qanorluunniit pisoqaraluarpat, Kalaallit Nunaannit
folketingimut ilaasortanngortussat allat atugarissaarfiusumik
suliffeqalernissamut tunngavissiilluarsimavoq.
– Naligiinnissamik aalajangiusimanninneq pineqarpoq. Pineqartilluta
ilaassaagut. Kalaallit Nunaata siornatigornit ataqqineqarnerunissaanut
namminerlu suliassaminut akuutinneqarnerunissaanut siuarsaaqataasimanera
nuannaarutigaara.
Aaja Chemnitzip juunip 11-ani nal. 15-17. kaffillernerani
kikkulluunniit peqataasinnaapput Eqqaamasariaqartoq tassaavoq aaqqissuussinermut peqataanissamut
kingusinnerpaamik juunip 9-ani Billetto.dk aqqutigalugu nalunaarnissaq.
