Sisamanngornermi qinersinermit ullut marluk qaangiuttullu
partiit allaffeqarfiannut apuukkatta Hans Enoksen, Aqqaluaq B. Egede, Nivi
Olsen Jens-Frederik Nielsenilu saneqqutatsinnut ilaapput.
Taakkuli
naapinniarlugit partiit allaffeqarfiannukanngilagut.
Sisamanngornermi qinersinermit ullut marluk qaangiuttullu
partiit allaffeqarfiannut apuukkatta Hans Enoksen, Aqqaluaq B. Egede, Nivi
Olsen Jens-Frederik Nielsenilu saneqqutatsinnut ilaapput.
Taakkuli
naapinniarlugit partiit allaffeqarfiannukanngilagut.
Naapitassarpummi tassaavoq
Demokraatit sinnerlugit Inatsisartuni ilaasortanngorlaaq Pipaluk Olsen.
Taassuma Inatsisartuni ilaasortanngornini qinersinermit ullut marluk
qaangiuttullu aatsaat uppernarsiartulerpaa.
- Misigissusikkaajuvunga. Taamaasilluni aamma
uannut suna tamaat massakkut... qiasaqattaarlunga, pilluarlunga,
nuannaarlunga. Suna tamaat malugeqqissaarujoorpara, taamaammat piviusuunera
uppernaalaarluni, Pipaluk Olsen oqarpoq.
Taanna Demokraatit Inatsisartuni ilaasortanngortitaanni
nutaajusuni arnartaavoq. 33-nik ukioqarpoq, sisamanik meeraqarluni, Sisimiuni
inunngorpoq Kommuneqarfik Sermersuumilu Nuummi ilaqutariinnut siunnersortitut
atorfeqarluni. Meeqqeriveqarneq, meeqqerivinnilu sulisoqarneq
pitsanngorsaaviginiarlugu qineqqusaarnermini uteqattaartuarpaa, qinikkatullu
sulileruni taakkua aamma pillugit ilungersussamaarpoq.
- Allannguiniarutta meerartagut
nukittorsartariaqarpagut. Soorlu Island taamaalornikuusoq. Taamaammat Island
massakkut qanoq ingerlava? Ingerlalluarsuaarpoq.
Politikkip silarsuaani allannguissagaanni
amerlanerussuteqarnissaq pisariaqartunut ilaavoq. Anguniakkallu tamatigut
ingerlaannartumik anguneqarsinnaasanngillat. Qinigaarlaalli
allanngueqataanissani qularinngilaa.
- Nipituuliuinnaavikkusuppunga.
Ikinnerussuteqaraangama uteqattaariinnaavikkusuppunga. Taanna
pikkoriffigereerpara. Angunissaata tungaanut sorsunnikkaalaakasiuvunga, Pipaluk
Olsen taama oqarpoq.
Pipaluk Olsen sisamanngornermi marsip 13-iani podcastimut
immiupparput. Podcact tamakkiisoq ataani tusarnaarsinnaavat.
