Inatsisartut ataatsimiittarfiini issiaviit inniminnerneqarsinnaalissasut

Inatsisartut ataatsimiinneranni malinnaarusukkuit ukiakkut ataatsimiinnermi nutaamik periarfissaqaqqilissaatit.

Inatsisartut ataatsimiinnissaat tallimanngornermi septembarip 19-ianni aallartissaaq.

Assi: Morten Okkels

Morten Okkels Morten Okkels Tusagassiortoq

Saqqummersinneqarpoq 16. Septembari 2025 - 08:34

Ussassaarut

Politikkimik soqutigisaqaruit Inatsisartuni issiavimmik inniminniisinnaalissaatit. Tassa isiginnaartunut issiaviini.

Ataatsimiinnissaq nalunaaquttap-akunnera ataaseq sioqqullugu kikkunniilluunniit issiavigineqarsinnaasuni issiavissaq ataaseq arlallilluunniit Inatsisartut nittartagaanni inniminnersinnaassavatit. Tassanittaaq inissat qassit suli inniminnerneqannginnersut takuneqarsinnaassaaq.

Aamma ingikkiartorniarluni ikiorneqarnissamik pisariaqartitsigaanni, soorlu pitsorlukkaanni, tamanna allaffissiakkut nalunaarutigineqarsinnaassaaq.

– Aaqqissuussaq nutaaq Inatsisartuni malinnaarusuttunut nuannaarutaassasoq Inatsisartut neriuutigaat, Siulittaasoq Kim Kielsen (S) allappoq.

Inissamik inniminniisinnaaneq neqeroorutaavoq, peqataanissamut piumasaqaataanngilaq. Ullormi tassani periarfissat pillugit saaffiginnittarfimmi suli paasiniaasoqarsinnaavoq, Inatsisartut erseqqissaapput.