Qupanuk Olsen Inatsisartuni Naleqqap allaffeqarfiani
naapikkatsigu allaffiit sumiinneri ilisimalluarpai, Inatsisartunili
ilaasortatut ima qinigaarlaajutigaaq allaffinnut assigiinngitsunut
matuersaateqarani.
Taamaammat allaffimmi sulisut Inatsisartunilu
ilaasortaareersut tassuunakkut isumalluutigingaatsiartariaqarpai.
Qupanuk Olsen Inatsisartuni Naleqqap allaffeqarfiani
naapikkatsigu allaffiit sumiinneri ilisimalluarpai, Inatsisartunili
ilaasortatut ima qinigaarlaajutigaaq allaffinnut assigiinngitsunut
matuersaateqarani.
Taamaammat allaffimmi sulisut Inatsisartunilu
ilaasortaareersut tassuunakkut isumalluutigingaatsiartariaqarpai.
PODCAST
Podcast kalaallisut immiunneqarpoq apersorneqartut kalaallisut oqaasii atorlugit.
Tusarnaarluarisi.
Ukiuni tallimani kingullerni influenceriunermini
saqqummissatilluni inunnillu katersuutsitsissatilluni unammillerteqartannginnami
politikkip iluani pissaaneqarniuttarneq qineqqusaarnermi nalaani paasilerpaa.
Oqaatsillu tamarmik eqqarsaatigilluartariaqarneri misillerfigalugu.
Qallunaatoorsinnaannginnertik peqqutigalugu imminut toquttartut qassiuneri
Qaqortumi qineqqusaarnermi apeqqutigigamiuk politikereqatiminit innuttaasunillu
isornartorsiorneqangaatsiarpoq. Ilinniutigisimavaalu.
- Taassuma kingorna oqaasissakka
sianiginerorujussuanngorpakka. Aammalu pingaaruteqarluni
paatsoorneqarsinnaanngitsunik oqarsinnaasarnissaq.
Qupanuk Olsen nunarsuaq tamakkerlugu nunatsinnilumi
malinnaasoqarluarami ilisarisimaneqareerpoq. Malinnaasuisali 1,6 millioniusut
qaqutiguinnaq takusalissallugu naatsorsuutigisariaqarpaat.
- Misigisimalaarama angorusutara angoreerlugu Q’s
Greenlandikkut. Taamaalillunga iperaruminartippara, misigisimagama “been there
done that” (tassaneereernikuullunga aaqq.) Taava massakkut tullissanut
ingerlaqqittariaqarlunga, Qupanuk Olsen 202-nik taaguunneqarluni Inatsisartuni
ilaasortanngortoq taama oqarpoq.
Qupanuk Olsenip suliniutissani siulliit suussanersut
eqqarsaatigilereersimavai.
- Neriuppunga nutaamik inatsimmik
siunnersuuteqapallassinnaassasugut, nalunaaqutaq aaqqeqqinniassammat. UTC-3-mut
uterniassagatta. Taavalu aasap ukiullu nalunaaqutaanut nikissaarluta.
Aalajangersimaqqissaartumik seqineq malillugu nalunaaqutaqaleqqinnissarput
suliniutigipallakkusoqaara, Qupanuk Olsen taama oqarpoq.
Qupanuk Olsen qinersinerup aqaguani marsip
aqqaneq-aappaanni oqaloqatigineqarnera tamakkiisoq uani tusarnaarsinnaavat.
