Islandimiut Trumpip Kalaallit Nunaannut piumasaqaataanut akerliusut
Islandimiut amerlanersaasa Kalaallit Nunaata USA-mut ilanngunnissaa akerleralugulu Trumpip nalunaarutaa aarlerinartorsiortitsinertut isigigaat, Gallup-ip isumasiuinerata takutippaa.
Islandimiut USA-p præsidentiata Donald Trumpip Kalaallit Nunaannik tiguaaniarnera tapersersorsinnaanngilaat.
Assi: Mary Altaffer/AP/Ritzau Scanpix
Nunat tamalaat inatsisaat ataqqineqartariaqartut Islandip naalakkersuisui ersarissumik oqarput, taama Islandip nunanut allanut ministeria Þorgerður Katrín Gunnarsdóttir oqarpoq. Taamaammat nuna saniliusoq Kalaallit Nunaata namminiilivinnissaa illersorniarlugu piareersimavoq,“ islandimi tusagassiorfik icelandreview.com allappoq.
Gallupip misissuinerani Islandimiut USA-p Kalaallit Nunaat nunaminut ilannguteqqullugu pinngitsaalinissaa qanoq isumaqarfigineraat isumasiuinermi aperineqarput, isummernerallu erseqqippoq:
80,2 procentit isuma tamanna nuannarinngilaat.
6,2 procentit isuma tamanna iluarivallaanngilaat.
5 procentit isumassarsiaq nuannaraat.
8,2 procentit apeqqut tamanna isummerfiginngilaat.
Islandimi tusagassiorfik isumasiuineq pillugu ima aamma allappoq:
Navianartutut isigineqartut
Navianartutut isigineqartut
- USA-p Kalaallit Nunaannik tiguaanissaanik isumamik nuannarinnittut ikittunnguit assigiissuteqarput. Partiinit allanit tamanit namminiilivinnissamik partiit Uafhængighedpartiet aamma Centerpartiet tapersersorneruaat. Aamma aningaasarsiornerpaajusarlutillu Reykjavikip eqqaani najugaqanngisaannarput.
Islandimiorpassuit Trumpip pilersaarutaa Islandimut ulorianartorsiortitsinertut isigigaat aamma paasinarsivoq. 73,8 procentit isumaqarput Amerikamiut Kalaallit Nunaannik tiguaanerat qeqertamut ulorianartorsiortitsissasoq. 12 procentit tamanna „periarfissatut“ oqaatigisimavaat, 14,2 procentillu apeqqut tamanna isumaqarfiginngilaat.
