Inatsimmi nutaami maajip aallaqqaataanni
akuersissutigineqartumi, Danmarkimi kommunit meeqqanik kalaallinik
angajoqqaalinnik arsaarinnilluni allanut inissiinernut suliaminnik
nassiussisarnissaannik pisussaaffilerneqarput, tassa Kalaallit angajoqqaat Danmarkimi
tarnimikkut misissortinnerminnik tunngaveqartumik pinngitsaaliissummik
meeqqaminnik arsaarneqarsimasunut atatillugu.
Tamanna pisussaaffiuvoq taamalu kommuninit
malinneqartussaalluni. Tamanna Isumaginninnermut Aqutsisoqarfimmit mailikkut
Sermitsiamut oqaatigineqarpoq.
Inatsimmi nutaami maajip aallaqqaataanni
akuersissutigineqartumi, Danmarkimi kommunit meeqqanik kalaallinik
angajoqqaalinnik arsaarinnilluni allanut inissiinernut suliaminnik
nassiussisarnissaannik pisussaaffilerneqarput, tassa Kalaallit angajoqqaat Danmarkimi
tarnimikkut misissortinnerminnik tunngaveqartumik pinngitsaaliissummik
meeqqaminnik arsaarneqarsimasunut atatillugu.
Tamanna pisussaaffiuvoq taamalu kommuninit
malinneqartussaalluni. Tamanna Isumaginninnermut Aqutsisoqarfimmit mailikkut
Sermitsiamut oqaatigineqarpoq.
Kommunit paamaarussisut
Isumaginninnermut Aqutsisoqarfimmut kommunit VISO-mi immikkoortumik nutaamik
malinninnissaminnut pisussaaffeqarnerannut apeqquteqarnitsinnut patsisaavoq,
peqatigiiffinnit angajoqqaanillu arlalinnit saaffigineqartaratta, taakkumi
VISO-mi immikkoortup immikkut ittup akuutinnissaanut kommuninit
paamaarussinerit, arriisaarussinerit aamma akuersaannginnerit
misigisarsimavaat.
Assersuutigalugu Sermitsiap paasisimavaa, kommunit sisamat
angajoqqaanit peqatigiiffinnillu oqaatigineqartut naapertorlugit VISO-mi
immikkoortumik nutaamik suli atuilersimanngitsut, naak suliat Kalaallinut
tunngassuteqaraluartut, tamatumani meeqqap arsaarinnissutigineqannginnerani tarnip pissusiinik misissuisoqartarsimavoq.
„Kommuni oqarpoq tamanna pisariaqanngitsoq,“ soorlumi oqaatigineqartut ilaat
taamaattoq. Angajoqqaat arlallit taamaalillutik, VISO-mi immikkoortup nutaap
ilaatinnissaanut kommunit itigartitsisinnaanersut nalornilerpaat.
Pisussaaffik ersarissoq
Angajoqqaat piginnaaneri pillugit Danmarkimi tarnip pissusaanik misissuisarnerit Kalaallit angajoqqaat ukiorpassuarni isornartorsiortarsimavaat, taakkumi pissutaaqataammata meeqqamik pinngitsaaliissummik angerlarsimaffiup avataanut inissinneqartarnerannut. Angajoqqaarpassuit inatsit nutaaq naapertorlugu suliat suliarineqaqqinnissaat maanna utaqqivaat.
Assi: Trine Juncher Jørgensen
Tamannali tassa Isumaginninnermi Aqutsisoqarfiup
taamaannginnerarpaa, ilanngullugulu tikkuarlugu kommunit pisussaaffiat
atuuttoq, tarnip pissusaanik misissuinerit PPR-imit, Børnehuset-mit
oqartussanilluunniit allanit ingerlanneqarsimagaluarpataluunniit.
”Kommunip suliani tamakkunani Angajoqqaat
piginnaasaannik misissuineq/tarnip pissusaanik misissuineq, meeqqanut
tunngasunik misissuinerit aamma Meeqqanut Inuusuttunullu Ataatsimiititaliamit
inassuteqaat aalajangiinerlu nassiuttariaqarpai. Kommuni suliap nassiutinnginnerani angaajoqqaanit,
angajoqqaanngortussanit imaluunniit inuusuttuaqqamit 15-ileereersimasumit
akuersissummik pissarsiniaqqaassaaq imaluunniit pissarsiniarsareqqaassalluni. Kommunip nalornissutigiguniuk suliaq
nassiunneqarnissaminut tulluartuunersoq, taava kommunit kajumissaarneqarput
oqarasuaatikkut sulisumik oqaloqatiginninniarlutik attaveqarfigissagaat,
VISO-mi siunnersortaaneq Randi Lykou taama allappoq.
