Kalaallit Nunaat Europami Siunnersuisoqatigiinnut ilaasortanit nunanit tamalaaneersunit ersoqatigineqartoq
Inatsisartunut ilaasortat Europameersut Europami Siunnersuisoqatigiinni sisamanngormat tusarniaasoqarmat peqataasut Kalaallit Nunaat tapersersorlugu ersoqatigalugulu oqaatigaat
Inuit Ataqatigiit sinnerlugit Folketingimut ilaasortaq Aaja Chemnitz Europami Siunnersuisoqatigiinni – ilaatigut Europami inuit pisinnaatitaaffiii pillugit eqqartuussiveqartumi – Kalaallit Nunaat pillugu tusarniaanermi peqataanissaminut aggersarneqarsimavoq.
Assi: IA
Aaja Chemnitz Europami Siunnersuisoqatigiit
Strasbourgimiittut sisamanngormat Kalaallit Nunaat pillugu tusarniaammata
oqalugiarnissaminut aggersarneqarpoq.
Europami Siunnersuisoqatigiit, ilaatigut Europami inuit pisinnaatitaaffiii
pillugit eqqartuussiveqartut, eqqissinissaq sorsunnersuullu aappaata kingorna
nunat tamalaat suleqatigiinnissaat qulakkeerniarlugu 1949-mi pilersinneqarpoq. Nunat
46-it ullumikkut ilaasortaapput.
– Europami Siunnersuisoqatigiinni Kalaallit
Nunaata eqqartorneqarnissaa soqutigineqarluarpoq, tusarniaanermilu
inatsisartunut ilaasortat 40-50-it missaanniittut peqataasut nalilerpara, Aaja
Chemnitz, oqalugiaatimini naalagaaffissuaqarnerup qaangiutereerneranik
nunamillu allamik tiguaaginnartoqarsinnaannginneranik ilaatigut naqissusiisoq,
oqaluttuarpoq.
”Naalagaaffissuaqarneq qaangeriutereersoq Kalaallit Nunaat sinnerlugu
ersarilluinnartumik oqaatigissallugu pingaaruteqarpoq. Piffissamut
malinnaasariaqarpugut. Kalaallit Nunaat tuniniagaanngilaq. Kalaallillu Nunaat
tuniniagaanngisaannassaaq.”
Kalaallit Nunaat tapersersorneqartoq
Aaja Chemnitz naapertorlugu Kalaallit Nunaat pisariaqartitsilissappat
sakkutuunik akiuuttussanik tikisitsisoqarsinnaasoq ilaatigut Ukrainemi
inatsisartunut ilaasortaq oqarpoq.
Tyskland Frankrigilu assinganik aamma
oqaaseqarput.
– Kalaallit Nunaat nunanit tamalaanit tapersersorneqartoq pissutsillu
atukkagut pillugit ersorinnittoqartoq misigaara. Kalaallit Nunaat
kisimiinngilaq, nunalli akornanni nunarsuarmut siaruarnissamik
suleqatigiinnerunissamillu anguniagaqartunut, maannali USA-mi allanilu
illersuiniartunit unammillerneqartunut, allarpassuarnut ilaavoq. Inatsisitigut
isumannaatsuuneq, inuit pisinnaatitaaffii tamallu oqartussaaqataanerat –
maannamullu isumaqatigiissutigisimasagut tamaasa - pillugit nunani killerni
nunanut allanut attaveqarnermi malittarisassat piffissap sivikitsup iluani
atorunnaarput. USA-lu qaammatit ikitsuinnaat matuma siorna
inissisimaffigisimasaminiit maanna allatut inissisimalersimasoq
nassuerutigisariaqarparput. Qujanartumik nunanit tamalaanittaaq
ersoqatigineqarpugut, tamannalu taamaattussaannartut isiginagu
paarilluassavarput, Aaja Chemnitz, nammineerluni 2015-imiit 19-imut Europami
Siunnersuisoqatigiinniissimasoq
