KNR-imit angerlarsimaffiup avataanut inissiisarneq pillugu allaaserisami kisitsisit naqqinneqartut
KNR-ip angerlarsimaffiup avataanut inissiisarneq pillugu allaaserisaq kisitsisinik tupaallannartunik imalik peerpaa. Kisitsisit arlalitsigut paatsoorneqarsinnaammata taamaaliortoqarpoq.
Foto: Leiff Josefsen
KNR-imit allaaserisaq 'Suliat angerlarsimaffiup avataanut inissiinissamut tunngasut nuna tamakkerlugu 1264-it aalajangiiffigisassaasut' ataasinngormat saqqummerpoq.
Allaaserisaq taanna arlalitsigut paatsoorneqarsinnaammat peerneqartoq, tusagassiorfik innuttaasunik kiffartuussisoq nalunaaruteqarpoq.
- Kisitsisit saqqummiunneqartut pillugit arlaleriarluni paatsuuisoqarsimasoq KNR-imit kingorna paasineqarpoq. Angerlarsimaffiup avataanut inissiisoqarnissaanut aalajangiiffigisassat eqqortumik ikinnerpaamik 702-upput, tassa siullermik taaneqartutut 1264-iunatillu 1573-iunngillat, tusagassiorfik allappoq.
Ritzau-mit aallaaserisaq KNR-ip kisitsisaataanik tunngavilik Sermitsiami saqqummiussarput. KNR-imit naqqiisoqareernerata kingonra allaaserisaq taanna peerparput.
Pissutsinik ersarinnerusunik saqqummiussaqarnissaq anguniarlugu KNR-imit sammisaq suliarineqartoq aamma nalunaarutigineqarpoq.
