Kunngip Kalaallit Nunaannut angalanissaa silarluup ullormik ataatsimik kinguartippaa

Kunngi Frederik pilersaarutit malullugit nuummut ataasinngorneri tikitussaagaluarpoq, tassani pisortatigoortumik ullut arlallit tikeraartussaalluni.

Silalli ajornerata nuummut tikeraarnissaa kinguartippaa. Taama kunngikkormiut nittartakkakkut inuit attaveqaqatigiittarfiisigut Instagrammikkut nalunaarput.

Kunngi Frederik aamma Naalakkersuisut siulittaasut, Jens-Frederik Nielsen pilersaarutit malullugit ataasinngornermi unnukkut nalunaaqutaq arfineq-pingasut qeqqa nuummut tikittussaagaluarput. 

Marlunngornermulli ullaakkut qulingiluat qeqqanut Nuummut tikinnissaat kinguartinneqarpoq.

Nutaamik aallarfissaqalernerat kunngip Kalaallit Nunaanni pilersaarutaanut allannguuteqartoqanngilaq.

Kunngip ulluni sisamani tikeraarnini Kapisilinni aallartissavaa, tassani marlunngornermi ullaakkut aqqanernut tikeraassaaq. Kapisillit nuummiit 75 kilomterisut ungasitsigivoq, 50-inillu innuttaasoqarluni. 

Kingorna nuummut kaffisoriassaaq pisuttuarlunilu.

Marlunngornermi pilersaarutit malillugit Hans Egedep illuani nereqatigiissapput, tassani Naalakkersuisut siulittaasuat qaaqqusisuussaaq.

Kunngip Ilisimatusarfik pingasunngornermi pulaassavaa, kingorna Station Nors tikeraassallugu, taanna Siriusimit atorneqartarpoq.

Tassani Troels Lund Poulsen (V) ilaassaaq. Tassungalu tunngatillugu pilersaarutit saqqummiunneqanngillat.

Kunngikkormiut ullorsiutaat naapertorlugit kunngi sisamanngornermi tallimanngornermili Kalaallit Nunaanniissaaq. Tassani Sirius-patrujle ulluni marlunni angalaaqatigissavai.

/ritzau/