Lars Erik Gabrielsen Avannaata Kommuniani borgmesteritut inissippoq

Kommunalbestyrelsi nutaaq Avannaata Kommuniani ataatsimiittarfimmi, Ilulissani pingasunngornerup ullaavani ataatsimiippoq.

Inissititerluni ataatsimiinneruvoq, tassanilu Lars Erik Gabrielsen borgmesteriusimasoq Palle Jeremiassen taarserlugu borgmesterinngorpoq.

Jens Napatok (N) tullersortinngorpoq kiisalu Heidi Møller (D) tullersortip aappaattut inissilluni.

Inissititerluni ataatsimiinnermi aamma nalunaarutigineqarpoq Palle Jeremiassen (D) napparsimanini peqqutigalugu sulinngiffeqarnissaminut qinnuteqartoq. Taamaattumik sinniisuusoq Niels Erik Bro (D) kommunalbestyrelsimut ilaasortanngorpoq.

Borgmesterinngortoq Lars Erik Gabrielsen oqalugiaqqaarnermini ilaatigut ima oqaaseqarpoq:

- Ippassaq pissanganikuunngilaq, kisianni ullaaq naakka iluaalaarput. Sulinissarput qilanaaraarput. Nunaqavissut kalaallit salliutinnissaanut sulissaagut, imaanngilaq allamiuluaratta. 

Inissititerluni ataatsimiinneq ullaaq nalunaaqutaq qulinut aallartippoq, tassani aamma borgmesterimut tullersorti siulleq aappaallu aamma toqqarneqarput. Kiisalu Aningaasaqarnermut Ataatsimiititaliamut ilaasortassanik aamma toqqaasoqarluni. 

Ataatsimiinnermi aamma kommunalbestyrelsip suleriusissaaq aamma oqaluuserineqarpoq, kiisalu ukioq manna ataatsimiiffissat ullui aamma inissinneqarlutik. 

Ataatsimiinnerup kingorna, nalunaaqutaq ullup qeqqanut kulturikkut illorsuami kaffillertoqassaaq.