Atuakkiortoq assiliisorlu Ivars Silis ukiut 15-it Letland sinnerlugu
Kalaallit Nunaanni ataqqinaammik sinniisooreerluni suliassap allamut
ingerlateqqinnissaanut piareerpoq.
– 84-inik ukioqarama ukioqqortusivunga, nukissallillu suliassamik
ingerlatsilernissaannut piffissanngorpoq, Ivars Silis, kilisaat Letlandimeersoq
Qaqortumi ikioreerlugu 2010-mi ataqqinaammik sinniisunngortoq, oqarpoq.
Atuakkiortoq assiliisorlu Ivars Silis ukiut 15-it Letland sinnerlugu
Kalaallit Nunaanni ataqqinaammik sinniisooreerluni suliassap allamut
ingerlateqqinnissaanut piareerpoq.
– 84-inik ukioqarama ukioqqortusivunga, nukissallillu suliassamik
ingerlatsilernissaannut piffissanngorpoq, Ivars Silis, kilisaat Letlandimeersoq
Qaqortumi ikioreerlugu 2010-mi ataqqinaammik sinniisunngortoq, oqarpoq.
Ivars Silis Letlandip pingaarnertut illoqarfiani Rigami 1940-mi inunngorpoq. Ilaqutai
1944-mi Danmarkimut qimaapput, tassanilu peroriartorlunilu ingeniøritut
ilinniarpoq. Kingorna Kalaallit Nunaannut tikippoq, tassani ujaqqat nunallu
sananeqaataat pillugit immikkut ilisimasalittut sulillunilu paasisassarsiornerni
assigiinngitsuni aqutsisutut peqataasarpoq. Kalaallit Nunaat pillugu
atuakkiarpassuani, piviusulersaarusiarpassuarni assilisarpassuanilu pillugit
ilisimaneqarpoq.
Ataqqinaammik sinniisut
Assigiinngitsunik
sinniisooriaaseqarpoq. Aallartitaqarfiusinnaapput, sinniisoqarfiusinnaapput, naalagaaffiup
nunani allani sinniisuutitaanut qullersaqarfiusinnaapput, nunanut allanut
sinniisoqarfimmut aallartitaqarfiusinnaapput, niueqatigiinnermut
allaffiusinnaapput, nutaaliorfiusinnaapput aamma ataqqinaammik
sinniisoqarfiusinnaapput.
Ataqqinaammik sinniisoqarfiit aallartitaqarfiit ataaniipput, taakkulu
najukkaminni suliassanik suliarinninnermi ikiuuttarput. Suliassat nunami pineqartumi
innuttaasunik ikiuinerukkajullutillu aallartitaqarfiup avammut tuniniaanermik
siuarsaaneranut nunanulluunniit allanut attaveqarneranut ikiuunnerukkajupput.
Ataqqinaammik
sinniisuuneq aningaasarsiaqaataanngilaq, namminerlu piginnaasaq
toqqarneqartullu inuussutissarsiutaa naapertorlugu toqqaasoqartarpoq. Ataqqinaammik
sinniisoq namminersorluni inuussutissarsiortuukkajuppoq.
Ivars Silis Kalaallit Nunaat pillugu filmerpaalunnik, atuagarpaalunnik asserpaalunnillu saqqummersitsinikuuvoq.
Assi: Leiff Josefsen
Atorfik aningaasarsiutaanngitsoq
Ivars Silis naapertorlugu ataqqinaammik sinniisuuneq suunersoq suullu –
aningaasarsiaqarani - suliarisarnissai naatsorsuutigineqarnersut arlallit
ilisimanngilaat. Tassami ataqqinaammik sinniisutut toqqarneqarneq imminermini
ataqqinaataavoq.
– Nuna sinnerlugu ataqqinaammik sinniisuuniaraanni nunami tassani
innuttaasut Kalaallit Nunaannut tikippata ikiuuttussaavoq. Uanga nammineerlunga
filmiliortartut tusagassiortullu Letlandimeersut Kalaallit Nunaannukarlutik
aallannginnerini attaveqatigalugillu siunnersortarpakka. Letlandimeersut
misigisassarsiortut arlallit aamma ikiornikuuakka, taamaalillunga umiartortut
takornariallu ikiortarnikuuakka, Ivars Silis, aamma kulturikkut
paarlaasseqatigiinneq pillugu suliniummi, ajoraluartumilli
naammassineqanngitsoortumi, suleqataasimasoq, oqarpoq.
– Letlandimiut erinarsorumatoorujussuupput, Kalaallit Nunaannilu aamma
taamaappugut, taamaammat erinarsornermut festivaalimik aaqqissuussisinnaallunga
eqqarsarpunga, tassanilu erinarsortartut maanngaqqullugit qaaqqujumagaluarpakka.
Misigisassatsialaagaluarpoq, Ivars Silis oqarpoq.
Kalaallit Nunaata Letlandillu
niueqatigiinnerunissaat aamma kissaatigaa.
– Tamannali ataqqinaammik sinniisunngortussap suliariumaarpaa, oqarpoq.
Kina Letland sinnerlugu Kalaallit Nunaanni sinniisunngussanersoq Letlandip
aallartitaqarfiata aalajangissavaa. Sinniisussaq toqqarneqarpat Ivars Silis
pisortatigoortumik taamaatissaaq.
