Naalakkersuisut
2026-mut aningaasanut inatsisissatut siunnersuutaat
sipaarniarfiusorujussuuvoq - taamaakkaluarpoq.
Ukiumoortumik
akit akissarsiallu nalimmassarnerat 2026-mi 2,34 procentiunissaa
naatsorsuutigineqartoq atorunnaarsinneqarpoq, 1 1/2 procentiusorli
mininneqarluni. Peqqinnissaqarfimmut aningaasartuutinut
tatineqartunut akit akissarsiallu nalimmassarnerisa affaannik, tassa
1,17 procentimik qaffaavigineqarpoq, Inatsisartullu
Siulittaasoqarfiata aningaasartuutissanut missingersuutai
tamakkiisumik 2,34 procentimik qaffanneqarput.
Naalakkersuisut
2026-mut aningaasanut inatsisissatut siunnersuutaat
sipaarniarfiusorujussuuvoq - taamaakkaluarpoq.
Ukiumoortumik
akit akissarsiallu nalimmassarnerat 2026-mi 2,34 procentiunissaa
naatsorsuutigineqartoq atorunnaarsinneqarpoq, 1 1/2 procentiusorli
mininneqarluni. Peqqinnissaqarfimmut aningaasartuutinut
tatineqartunut akit akissarsiallu nalimmassarnerisa affaannik, tassa
1,17 procentimik qaffaavigineqarpoq, Inatsisartullu
Siulittaasoqarfiata aningaasartuutissanut missingersuutai
tamakkiisumik 2,34 procentimik qaffanneqarput.
Inatsisartut
Aningaasaqarnermut Akileraartarnermullu Ataatsimiititaliaat
ukiumoortumik missingersuusiornermi isumasioqatigiinnermi,
aappaagumut aningaasanut inatsisissatut siunnersuut suliaraat.
Ataatsimiititaliami amerlanerussuteqartut, tassa partiit
naalakkersuisooqatigiit sisamaasut Demokraatit, Inuit Ataqatigiit,
Siumut aamma Atassut, sipaarniuteqarnissaannaq pinagu aammali nunatta
karsianut nutaanik isertitaqarnissaq ujartorlugu tamatuma kingorna
tusagassiuutinut nalunaaruteqarput.
Ataatsimiititaliami
amerlanerussuteqartut tusagassiuutinut nalunaarutip naanerani ima
apeqqusiipput:
»Ataatsimiititaliamiillu
amerlanerussuteqartuniit maluginiakkatta ilagaat piffissami matumani,
annertuumik sipaarniarfiusussami Inatsisartut siulittaasoqarfiat
kisiartaalluni tamakkiisumik akitigut nalimmassarluni
qaffaanissaminik ingerlatsivigineqarnissaminik kissaateqarsimanera«.
Immikkoortoq
taanna siulittaasoqarfimmut isornartorsiuinertut
paasineqassanngitsoq, kisiannili maluginiarneqarneratut
paasineqassasoq ataatsimiititaliami siulittaasoq Erik Jensen, Siumut,
Sermitsiamut oqarpoq.
–
Sipaarfiginiarneqanngitsup
immikkut maluginiarneqarneranik isumaqarpugut. Tamanna
isertuussaanngilaq, aningaasanummi inatsisissatut siunnersuummi
Inatsisartut Siulittaasoqarfia kisiartaalluni akissarsiat akillu
tamakkiisumik nalimmassarneqarnissaannik kissaateqarnera ersarissumik
allassimavoq, Erik Jensen oqarpoq.
Paasinninnermut
tunngasoq
Siulittaasoqarfiup
sipaarniuteqarnermi immikkut pineqarnissamik piumasaqaataanut
apeqqusiineq Inatsisartut siulittaasuata Kim Kielsenip, aamma
Siumumeersup, tigulluanngilaa.
Innuttaasut naalakkersueqataanerat akeqarpoq
Inatsisartut
siulittaasoqarfiat 2026-mi aningaasanut inatsisissatut siunnersuummi
108 millionit koruuninik immikkoortitsiffigineqarpoq.
(millionit
koruunit)
Inatsisartoqarfik 33,6
Politikkimi sulineq 15,0
Inatsisartut 37,1
Nunat Avannarliit siunnersuisooqatigiivi 0,6
Inissat 6,1
Ombudsmandi 12,8
Inissianik
aserfallatsaaliineq 0,2
Avataanit kukkunersiuisoq 2,5
Katillugit 108,3
(Paasisat:
Naalakkersuisut aningaasanut inatsisissatut siunnersuutaat).
Kim
Kielsen Aningaasaqarnermut Akileraartarnermullu Ataatsimiititaliamut
allakkamini sukannersumik ima allappoq:
»Inatsisartunut
aningaasaliissutissatut missingersuutinut siulittaasoqarfiup
siunnersuutaanik isornartorsiuinertut innuttaasunit
isigineqarsinnaasumik tusagassiorfinnut nalunaaruteqarsimasut
maluginiarpara«.
Kim
Kielsenip taamaalilluni Aningaasaqarnermut Akileraartarnermullu
Ataatsimiititaliami amerlanerussuteqartut maluginiagaqarnerat qanoq
paasineqarsinnaanera erseqqissarpaa. Paasineqarpat
paasineqanngippalluunniit. Kim Kielsenip Inatsisartut suleriaasiannut
innersuussilluni, Aningaasaqarnermut Akileraartarnermullu
Ataatsimiititaliap siulittaasoqarfiup aappaagumut
missingersuusiornera isummerfiginissaanut pisinnaatitaannginnera
tikkuarpaa.
– Piginnaatitaaneq tamanna taamaallaat
Suleriaatsimut Ataatsimiititaliamiippoq, Kim Kielsen
naqissusiivoq.
Suleriaatsimut Ataatsimiititaliami ilaasortat
Inatsisartut Siulittaasoqarfianiittut assigaat:
Kim Kielsen,
Siumut, Mimi Karlsen, Inuit Ataqatigiit, Mette Arqe-Hammeken,
Naleraq, Per Berthelsen, Demokraatit, aamma Aqqalu C. Jerimiassen,
Atassut.
Kim Kielsen siunnersuutitsialammik
peqarpoq:
»Aningaasaqarnermut
Ataatsimiititaliaq kaammattorpara Suleriaatsimut Ataatsimiititaliap
Aningaasaqarnermullu Ataatsimiititaliap akornanni piginaatitaanerit
agguataarneqarnerat eqqaamaqqullugu, ataatsimiititaliap
pisinnaatitaanerinik sippuinermi malitseqartumik ataatsimiititaliaq
inisseqqeqqunagu«.
Ataatsimiititaliap
ataatsimiititaliamik allamik isornartuisussaannginnera Inatsisartut
sulineranni »malittarisassatut allassimanngitsutut« isigineqarnera
Kim Kielsenip aamma naqissuserpaa.
Pisoq
pillugu oqaaseqartoq
Ataatsimiititaliami
siulittaasoq Erik Jensen Inatsisartut siulittaasuannit
inissinneqarneq pillugu oqaaseqartikkumallugu Sermitsiamit
saaffigaarput. Erik Jensenilli nittartakkami aviisimi
Sermitsiaq.AG-mi apersorneqarnini innersuussutigaa:
»Soorunami
siulittaasoqarfiup tamanna kissaatigaa, tamannalu
ataqqisariaqarparput. Allalli sipaarniaqquneqarpata
kissaatigineqartoq silatusaarnerunngitsoq isumaqarpugut.
Naalakkersuisut sipaarniartussaapput, kommunit
nalimmassaavigineqassanngillat. Siulittaasoqarfilli tamakkiisumik
akitigut nalimmassaalluni qaffaarusuppoq. Tamanna
naleqquttuusorinngilarput, taamaattumillu eqqumaffigisariaqarlugu«.
–
Taavami suliami matumani oqaatigisariaqakkavut
oqaatigineqareersimapput, Erik Jensen Sermitsiamut oqarpoq.
Naleqqalli
siulittaasua Pele Broberg ilassutissaqarpoq.
–
Partiini illuatungiliuttuni
kisiartatut naalakkersuisooqatigiit partiivisa akornanni tamanut
ammasumik isumaqatigiinngittoqarnera maluginiarparput, Naleqqalli
assortuussutaasut taakku peqataaffigiumanngilai, Pele Broberg
Sermitsiamut oqarpoq.
–
Kisianni suut tamarmik,
aamma peqqinnissaqarfik, sipaarniuteqartariaqarneranni,
siulittaasoqarfiup akit akissarsiallu tamakkiisumik
nalimmassarnissaat pillugu piumasaqaataa naapertuunnerpa?
–
Naalakkersuisooqatigiinnut
ilaasortaasut assiginagit Naleqqap Aningaasaqarnermut
Akileraartarnermullu Ataatsimiititaliaq siulittaasoqarfiup
aalajangiinerinut oqaaseqarsinnaatitaanngitsoq nalunngilaa,
taamaattumillu tusagassiuutinut nalunaarut atsioqataaffiginatigu,
Pele Broberg oqarpoq.
Ineqarnermut
akiliut qaffakkiartortoq
2026-mut
aningaasanut inatsisissatut siunnersuummi Inatsisartut
Siulittaasoqarfik 108 millionit koruuninik aningaasaliiffigineqarpoq.
Ilaatigut
ataatsimiinnerit nalaanni politikkerit najugaqarnissaannut
aningaasartuutit 2025-mi 4,4 millionit koruuniniit 2026-mi 6,1
millionit koruuninut qaffassimapput.
Siornatigut
ilaasortat illoqarfimmi attartukkani najugaqartarsimapput, 2022-mili
Namminersorlutik Oqartussat namminneq inissiaatileqatigiiffiat Illuut
A/S Nuummi Noorlernut inissianik 25-nik inissialiortitsivoq. Inissiat
siulliit aqqaneq-marluk 2024-mi oktobarimi naammassineqarput;
inissiallu kingulliit 13-it 2025-mi juunimi naammassineqarlutik.
Sanaartorneq 90 millionit koruuninik akeqarpoq, Illuut A/S-ilu
Inatsisartoqarfimmut piffissami sivisuumi attartornissamut
isumaqatigiissuteqarpoq.
Marsip
11-ani qinersisoqarnerata kingorna Inatsisartunut ilaasortaalersut
31-usunit 16-it Nuup avataani najugaqarput.
