Nuup eqqaani ujaasineq

Angut umiatsiaarartilluni sikumi nikeriarsinnaanngitsoq sapaammi unnukkut nalunaaqutaq 20.11 politiit nalunaarfigineqarput.

Angut umiatsiamiittoq Nuup avannaata kitaaniippoq, qiiallunilu nittaammat ingerlaqqissinnaannginnami ikiorneqartariaqarpoq.

Politiit umiatsiartik Issittumilu Sakkutooqarfimmit qulimiguulik aallartippaat, politiini pigaartut pisortaat Poul Kreutzmann oqaluttuarpoq:

- Angut aavaat, ajoranilu angerlarpoq, Poul Kreutzmann oqarpoq.

Aammattaaq politiit sapaatip-akunnerata naanerani ulapaarsimasut pigaartut naalagaat oqaluttuarpoq.

Arfininngormat Nuummi savimmik kapisisoqarsimasoq Sermitsiamit siornatigut oqaluttuarineqarpoq.

Nukappiaraq 16-inik ukiulik suliamut atatillugu tigusarineqarlunilu pasineqartoq, marsip 25-ata tungaanut eqqartuussivimmit tigummigallarneqarumaartoq pigaartut pisortaat oqarpoq.

16-inik ukiulik toqutseriarsimasutut unnerluutigineqarpoq. Nukappiaraq 17-inik ukiulik pinerlineqartuuvoq.