“Orsugiak – Grønlands Hvide Guld”-ip takuneqarsinnaajunnaarnera TP-mit sakkortuumik isornartorsiorneqarpoq
Kalaallit Nunaanni Tusagassiortut Kattuffiata DR-ip piviusulersaarutaanik saqqummiussinermut politikkikkut akuliunniarneq isornartorsiorpaa. - Tamanna tusagassiuutinut attuumassuteqanngitsunut akuliunnertut ilungersunartutut isigaarput, tamannalu tusagassiuutitigut kiffaanngissuseqarnermik, taamaalillunilu oqaaseqarsinnaanermik, navianartorsiortitsisinnaavoq, TP-mi siulittaasoq, Arnaq Nielsen, ilaasortat sinnerlugit allappoq.
Assi: Arnaq Nielsen
Kalaallit Nunaanni Tusagassiortut Peqatigiiffiat TP arfininngornermi februaarip 22-anni ataatsimeersuarpoq, tamatumunngalu atatillugu arlalinnik pissuteqarlutik ataatsimut nalunaarummik saqqummiussiniarlutik aalajangerput:
- TP-mi ataatsimeersuartut piviusulersaarutip ”Grønlands Hvide Guld”-ip saqqummiunneqarneranut atatillugu kingunerlutsitsinerit soraarsitsinerillu pillugit politikkikkut akuliunnerit sakkortuumik akerleraat. Akuliunneq akulerutinnginnissamik periuseqarnermik tusagassiisinnaanermillu unioqqutitsipput, tamannalu ilungersunarpoq.
- Politikkikkut akuliunnerit Kalaallit Nunaanni nalinginnaapput, Arnaq Nielsen TP sinnerlugu allappoq.
TP naapertorlugu politikkikkut akuliunneq suliamut attuumassuteqannginnemrik periuseqarnermik tusagassiuutitigullu kiffaanngissuseqarnermik unioqqutitsineruvoq. Tusagassiuutinut attuumassuteqanngitsunut taamatut akuliunneq Kalaallit Nunaanni tusagassiisinnaanermut killiligaananilu oqaaseqarsinnaanermut aarlerinartorsiortitsivoq.
- Tamanna tusagassiuutinut attuumassuteqanngitsunut akuliunnerlunnertut, tusagassiuutitigut kiffaanngissuseqarnermik taamalu oqaatsinik kiffaanngissuseqarnermik navianartorsiortitsisinnaasutut, isigaarput.
Oqallinneq assigiinngiiaartunik pisariaqartinneqartoq
Oqallinneq assigiinngiiaartunik pisariaqartinneqartoq
Tusagassiorfiit politikkikkut tatineqarneq nakkaannarfiginagu innuttaaqatigiinni oqallinnerit paasissutissiissutigalugillu assigiinngisitaarnerulersinnissaat suliassaraat, TP allappoq.
Taamaammat kattuffiup DR piviusulersaarummik peersinissamik aalajangernini eqqarsaatigeqqeqqullugu, aamma tusagassiuutip aaqqissuinikkut periaasiisa avataaniittunit isumakuluutiginninnermik tunngaveqartinnagit tusagassiornermut najoqqutassianik tunngaveqartuarnissaat qulakkeerneqassasoq kajumissaarpaa.
- Tusagassiuutit inuiaqatigiinni oqallinnermi paasissutissiisarneq assigiinngisitaarnerlu suliassaraat, politikkikkullu tatineqartussaanngillat.
- Taamaammat Kalaallit Nunaanni Tusagassiortut Peqatigiiffiata, TP-p, DR-ip takuneqarsinnaajunnaarsitsinermik aalajangiinini eqqarsaatigeqqeqqullugu tusagassiuutillu aaqqissueriaasiat avataaniittut pinnagit tusagassiornermi tunngaviit malillugit ingerlanneqqaannarnissaata qulakkiissagaa kajumissaarpaa, TP-p siulittaasua, Arnaq Nielsen, ilaasortat sinnerlugit naggasiivoq.
