DR-ip podcasti nangeqattaartoq
»Spiralkampagnen« 2022-mi saqqummersimmagu tupattorujussuuvunga.
Niviarsiaqqat
arnallu taamak amerlatigisut sunaaffa pineqarput. Eqqarsarnaqaarlu Naja
Lyberthip arnallu allat oqaluttuaat AG-mi 2019-imi
oqaluttuareqqaarneqarsimammat qisuariarfiunngitsumik. Tupinnaqaaq DR-imi
tusagassiortut alapernaatsut pissutigalugit aatsaat oqaluttuaq
pimoorunneqalermat.
DR-ip podcasti nangeqattaartoq
»Spiralkampagnen« 2022-mi saqqummersimmagu tupattorujussuuvunga.
Niviarsiaqqat
arnallu taamak amerlatigisut sunaaffa pineqarput. Eqqarsarnaqaarlu Naja
Lyberthip arnallu allat oqaluttuaat AG-mi 2019-imi
oqaluttuareqqaarneqarsimammat qisuariarfiunngitsumik. Tupinnaqaaq DR-imi
tusagassiortut alapernaatsut pissutigalugit aatsaat oqaluttuaq
pimoorunneqalermat.
ISUMGA
Isuma allaaserinnittup inuttut nammineq isumaanik ersersitsisuuvoq.
Namminerli silarsuara aalassatsinneqarpoq
Sermitsiaq.AG-mi nutaarsiassamik ukiut marlussuit qaangiunneranni atuarama. Anaanaga
oqaaseqarsimavoq. Aasianni realskolemi ilinniartuugallarami
inuusuttuarannguulluni spiralilertinneqarsimalluni oqaluttuarpoq. Qullilivunga
niviarsiarannguarlu Narsamit ungaseqisumi ilinniariartariaqarsimasoq aliasuutigalugu.
Arnaa akuersitinneqarsinnaasimanngilaq. Nammineq akuersitinneqanngilaq. Spiralilersuisimanermik
suliaq inuuninnut qanittuararsuanngoriasaarpoq. Qanippallaalerpoq.
Anaanama oqaluttuaa siornatigut
tusarsimanngilara. Inunngunngikkallarama spiraleqarnikuusimasoq ilisimavara. Spiralip
kinguneri oqaluttuarisarsimavai. Anniarnerit. Taamaammat illissaminut
ikkussivigiteqqinngisaannassalluni aalajangersimavaa.
Kingorna ilumini spiralip siulliup atornerani
ajornartorsiuteqarsimanini oqaluttuarai arlaleriarluni ilumigut
aseruuttoortarsimalluni. Sunaaffa ikkuttoorsimasoq. Nakorsap misissormani
amuinnapajussimavaa - nipaallisaatilinnguarnagu. Ajornerpaavoq
ikkussivigiteqqissimammat - akuersitinnagu.
Isumaga una allanniariga anaanannut
oqaluttuarigakku suliap matuma qitia saqqummerpoq. Akuersitinneqarani
spiralilersinneqarsimanini oqaluttuarisimanngisaannarpaa paquminaqimmat. Tamakku
oqaluuserineqarneq ajorput. Pitsaanerunngilaq inuusuttunnguusimammat. Ilami
niviarsiararujussuusimavoq. Puigorneqarpoq. Puigorneqarpoq 2022-mi
tusagassiorfinni sammineqalernissaata tungaanut.
Isumaga matuma allaaserinera annernartumik
angisuumik naanniittoqarpoq. Oqaluttuaq kingunerluutit qaavanni
kingunerluutinut tunngassuteqarpoq. Statsministeri tassanngaannaq utoqqatserpoq.
Misissuinermi piareersimavoq. Naalagaaffik avaqqutaarisinnaanngilaq.
Niviarsiaqqat arnallu 4.500-t innarlerneqarsimapput. Naalakkersuisut aamma
utoqqatsertariaqarsimapput. Peqqinnissaqarfiummi Kalaallit Nunaannit 1992-imi
akisussaaffigineqalereerneranni ikkussisarnerit ingerlaqqissimapput.
Oqartussaasut innarliinernik ilungersunartunik
akuersinerat kamannerujussuarmik pilersitsivoq. Kingunerluutit misigissutsillu
mattussuussat utsersorlutik qaffakaapput. Kingunerluutit ammaannartunik aseruuttunillu
ikinnguuttutut ipput. Inoqatinut attaveqarfiit kamattorpassuarnik ulikkaarput. Takorloorsinnaavara
utoqqatsertoqareersoq sooq taamak kamaqartigisoqarnera pillugu
apersortoqarsinnaammat. Qisuariaatilli paasisinnaavakka. Tassanngaannaq
naqissuserneqarpoq. Akuersititsinani spiralilersuineq eqqortuliornerunngilaq. Innarliineruvoq.
Statsministerip utoqqatserneranut atatillugu
eqqugaasunut qanigisaannullu Nuummi sapaatip akunnerata tulliani
aaqqissuussisoqassaaq. Kingorna Danmarkimi aamma aaqqissuussisoqarumaarpoq
aamma. Ajunngilaq. Pineqartut ataqqiniarlugit iliuuseqarput. Kisianni
puaatsooqqavunga. Utoqqatserneq ikinik pioreersunik ammarterivoq, taamaammallu
ikit mamikkiartulernissaannut Nuummi Danmarkimilu aaqqissuussinerit saniatigut
iliuuseqartoqarnissaa pisariaqartinneqarpoq. Kingunerluutimmi suli
pigineqarput. Meerartaarsinnaanngitsut suli meeraqanngillat. Iluunngarlunga
neriuutigaara iliuuseqarfigineqassasut. Katsorsarneqassanersut
arlaatigulluunniit iliuuseqarfigineqassanersut naluara. Sivisuallaamik
sapanginneqarsimareerput. Iliuuseqarfigineqarnissaat piffissanngorpoq.
