Dronning Margrethe uummatimi taqarsuamigut suliaritippoq
Dronningi Margrethe 86-inik ukiulik uummaserinini pissutigalugu Rigshospitalimut sisamanngormat unitsinneqarpoq.
Dronning Margrethe uummatimi taqqarsuatigut ballonilersereernermi kingorna Rigshospitalimi uninngagallassaaq.
Toqqorsivimmit: Misc/Backgrid/Ritzau Scanpix
Dronning Margrethe uummaserinini pissutigalugu sisamanngormat napparsimmavimmut unitsitaareerlunilu uummatimi taqarsuamigut ballonilerneqarpoq.
Kunngikkormiut tallimanngormat tusagassiuutitigut taama nalunaaruteqarput. Dronningi “ajunngitsoq” aamma paasissutissiissutigineqarpoq.
Dronningi "ullualuit suli" Rigshospitalimi uninngassaaq, qanorlu sivisutigisumik uninngaannassanersoq oqaatigineqanngilaq.
Taqarsuarmi aap ingerlaarfia nerukillisimatillugu imaluunniit milittoortoqarsimatillugu balloniliinikkut uummammut aammik pilersuineq pitsanngortinneqartarpoq.
Sisamanngormat unitsinneqartoq
Dronningi 86-inik ukiulik uummaserinini pissutigalugu Rigshospitalimi sisamanngornermi ualikkut unippoq. Qasugaluarluni nikalluganngitsoq paasissutissiissutigineqarpoq.
Uummaserineq taqarsuup kalkereqarpallaalerneranik pissuteqarneruvoq, tamaalilluni uummat naammattumik silaannalersorneqarunnaartarluni. Uummaserinissamik aarlerinaat ukioqqortusiartornermi anneruleriartortarpoq.
Hjerteforeningimi ilisimatusartunik aqutsisoq Gunnar Gislason naapertorlugu uummatip taqarsuanik balloniliinit "suliaritinneruvoq ernumananngitsoq".
- Ingerlaannaq iluaallattoqartarpoq, kingornalu nappaat takussutissaaruttarluni.
- Nappaatip katsorsarneqarsinnaanngitsuunera eqqaamassallugu pingaaruteqarpoq, taamaattumik aqqusaarneqaqqissinnaalluni. Taamaammat sakissakkut annialernissat uummaserilernissarluunniit eqqumaffigineqassaaq, oqarpoq.
Ukiut 52-it atuuffimmineereerluni tunuartoq
Dronning Margrethe ukiuni kingullerni arlaleriarluni Rigshospitalimi uninngasarsimavoq.
Aamma februaarimi 2023-mi qitermigut pilatserujussuarpoq, tamatumalu kingorna droninngitut inissisimaffini eqqarsaatigilerpaa.
Ukiortaami oqalugiaataani tamanna paasinarsivoq, tassani droninngitut tunuarluni ernini angajulleq kunnginngorluni akisussaaffimmik tigusissasoq oqaatigaa.
2024-mi januaarip 14-ianni — dronninginngornerminiit ukiut 52-it qaangiuttut — Frederik kunnginngortinneqarpoq.
Dronningi kingullermik maajimi 2025-mi napparsimmavimmut unitsinneqarpoq, taamani nuannera pissutigalugu nakkutigineqassalluni unitsitaalluni.
Taamanikkut kunngikkormiut "sillimaniarneq" pissutigalugu nakkutigineqartoq paasissutissiissutigaat.
