Mianersoqqussut: Allaaserisaq una meeqqanik kinguaassiuutitigut atornerluinermik imaqartoq atuartartut ilaannut sakkortusinnaavoq, nuanniitsumik misigissuseqalersitsisinnaalluni — ingammik kannguttaatsuliorfigineqarsimasunut tamatumunngaluunniit assingusumik misigisaqarsimasunut. Allaaserisaq mianersortumik atuarneqartariaqarpoq.
Angut 37-inik ukiulik Sisimiuneersoq tallimanngornermi maajip 30-anni eqqartuunneqarluni nukappiaqqanut arlalinnut, 13-iniit 17-inik ukiulinnut kanngutsaattuliorsimasutut pisuutinneqarluni pisuutinneqarpoq. Paarineqartussanngorlugu eqqartuunneqarpoq. Suliarli Nunatta Eqqartuussisuuneqarfianut suliareqqitassanngortinneqarpoq.
Mianersoqqussut: Allaaserisaq una meeqqanik kinguaassiuutitigut atornerluinermik imaqartoq atuartartut ilaannut sakkortusinnaavoq, nuanniitsumik misigissuseqalersitsisinnaalluni — ingammik kannguttaatsuliorfigineqarsimasunut tamatumunngaluunniit assingusumik misigisaqarsimasunut. Allaaserisaq mianersortumik atuarneqartariaqarpoq.
TUSAANNGA
Aliasuuteqaruit allaaserisarluunniit atuareerlugu aliasuuteqaleruit oqaloqateqarnissamulluunniit pisariaqartitsiguit, Tusaannga 801180-mut sianerfigisinnaavat, imaluunniit sms-erlutit 1899-mut. Attaveqarneq akeqanngilaq, kinaassutsillu isertuussinnaavat.
Angut 37-inik ukiulik Sisimiuneersoq tallimanngornermi maajip 30-anni eqqartuunneqarluni nukappiaqqanut arlalinnut, 13-iniit 17-inik ukiulinnut kanngutsaattuliorsimasutut pisuutinneqarluni pisuutinneqarpoq. Paarineqartussanngorlugu eqqartuunneqarpoq. Suliarli Nunatta Eqqartuussisuuneqarfianut suliareqqitassanngortinneqarpoq.
Unnerluussisussaatitaasut unnerluunneqartup inuusuttunik angerlarsimaffinnit atugarliortuneersunik atornerluisarnera erseqqissaatigaa. 37-nik ukiullip sikut, pizzat playstationilu qanillisaatigisarpai, killigisaat suujunnaarsittarlugit, angerlarsimaffimminilu kinguaassiutinut tunngasunik samminnitsitsilersarluni.
Nukappiaqqat arlallit piffissami sivisuumi angummut uteqqittarsimapput, tamanna eqqartuussinermi ersersinneqarpoq.
Ilisimatooq: Atornerluineq isumassuinermut assingutinneqarsinnaasoq
Sermitsiap tarnip pissusaanik immikkut ilisimasalik, Aviaq Kleist Sethsen oqaloqatigaa, tassani paasiniarlugu sooq meeqqat atornerluisuminnut uteqqissinnaasanersut.
Sermitsiap ilisimatitsissutigissaa apersuineq Sisimiuni eqqartuussinermut toqqaannartumik tunngassuteqanngimmat, tarnikkulli immikkut ilisimasallip ilisimasai tunngavigalugit apersuinerulluni.
- Amerlasuutigut
meeqqap atornerluisoq nalunngisarisarpaa imaluunniit qanigisarisinnaasarpaa. Soorlu
ilaqutaq, nalunngisaq, ilinniartitsisoq, trænereq arlaatigulluunniit
attuumassuteqarfigalugu, Aviaq Kleist Sethsen oqarpoq.
- Meeraq inersimasumut misigissutisikkut atassuteqartariaqarpoq peqqilluni
perussaguni. Ilaatigut atornerluisoq aamma
isumassuisuusinnaasarpoq, taamaasilluni meeqqamut asanninneq
ajortumillu pineqarneq immikkoortikkuminaassisinnaasarluni, tamarmik inummit
taassuminngaanneeraangata.
- Ilaatigut meeraq inississinnaasarpoq taamatut
pineqarnini ‘allatut ajornartoq’ aamma allatigut ‘ajunngitsumik’
pissarsiaqartaruni, soorlu qanilaarneq, toqqissisimaffissaqarneq, imaluunniit allatigut ajunngitsunik aamma misigititaasarnikkut/tunineqartarnikkut.
Taassuma ilanngullugu nassuiaatigaa meeqqat ilaatigut qanilaarneq ajortumillu pineqarneq immikkoortikkuminaassinnaasaraat, ingammik inummit ataatsimiit misigitinneqaraangata.
Grooming - annertusiartortumik allamut saasaarineq
Pingaarnertut sakkutigineqakkajuttartoq tassaavoq grooming. Aviaq Kleist Sethsenip nassuiaatai naapertorlugit grooming tassaavoq arriitsumik
piffissap ingerlanerani meeqqamut tatiginnitsitsilerniarsarineq, siunertaralugu
meeqqap killissai/illersuutai appartinnissai.
Misigissutsikkullu
toqqissisimanartutut misigititsilernissaq. Taamaasiornikkut meeqqamut
ajornarnerujussuummat takussallugu attaveqarnermi ajortoqartoq, meerarmi
’nuannersumik/toqqissisimanartumik’ misigisaqartaruni qanillinerussagami
akerliliinnginnerullunilu.
- Pinerliisup uku atorsinnaasarpai "pinnguaannartugununa" "nuannaartipparma" imaluunniit "isertugaaterpununa, allanut oqassanngilatit".
Tunisinermi aamma tamanna atorneqarsinnaavoq, soorlu tunissutissanik, meeqqap nerisassat mamarisaanik sananeq, spillertitsineq, allallu.
- Ilaatigut meeraq allanik inersimasunik toqqissiffissaqanngikkuni
atornerluisoq – aamma isumassuisarsimassappat, nuannersumik aamma
misigititsisarsimassappat soorlu ataatsimoorneq, mamakujuttorneq, spillerneq –
toqqissisimaffituanngorsinnaasarpoq, imaluunniit nuannisartarnerit aamma
iperaruminaallutik, allatigut nuannisarfissaqarpallaartarsimanngikkaanni.
- Tassa
atornerlunneqartaraluarluni allatigut aamma pissarsiarisartakkat
uteqattaarfiginarsinnaapput ingammik allanik aamma meerartaqarsimappat, soorlu
kammalaatigiilluni taakaniittarsimagaanni.
Inersimasut uku pingaarutillit maluginiarsinnaavaat:
Tarnip pissusaanik ilisimasallip oqaatigaa atornerluisup iliuusai takujuminaassinnaasarput, ingammik grooming atorneqartillugu. Pissusilersuutilli arlallit inersimasunit maluginiarneqarsinnaapput:
- Meeqqamut qanippallaarneq,
timikkut misigissutsikkulluunniit, ingammik meeqqamut
aaliangersimasumut/ataatsimut.
- Meeqqat allat
tuninngikkaluarlugit meeraq ataaseq tunisarlugu.
- · Meeqqap killingi qaangillattaallugit, soorlu quinassaartarnikkut.
- Meeraq kisimeeqatiginiarsaralugu
soorlu paarsiumasarluni, aallerumasarluni, pulaartikkumasarlugu,
pinnguaqatigiumasarlugu.
Pinerliisut avataaniit tatiginninnermik pilersitsisinnaasarput, soorlu killissamik qaangiisimanermi nassuiaasinnaasarlutik "pinnguaannartugununa" imaluunniit "nammineruna piumasoq", Aviaq Kleis Sethsen nassuiaavoq.
