Eqqumiitsuliortup Anders Kelstrup-ip Holbækimi
najugallip, Trumpip pisariaqassappat USA-p sakkutuut atorlugit Nunarput
tiguarniarlugu januaarimi oqarneranit sunnerneqarami qalipagaq „Trump Nuummi“,
100x140 kvadratcentimeterinik angissusilik akrylimik uuliamillu qalipappaa.
Taanna eqqumiitsuliortut peqatigiiffianni Atelier
Østerled-imi ilaasortaavoq, tassanilu aamma Martha Labansen aamma Karen Hilden
ilaasortaapput. Inuit taakku marluk Nunatsinni ilisimaneqarluarput. Martha
Labansenip aappaata Peter Beckip qalipagaq Anders Kelstrupimit pisiaraa.
Kalaallit Nunaannik ilisimasallip allap Niels Fensbop aamma qalipagaq
pisiariniarlugu soqutiginnikkaluarpoq, Peter Beckilli siulliugami
pisiaraa.
Eqqumiitsuliortup Anders Kelstrup-ip Holbækimi
najugallip, Trumpip pisariaqassappat USA-p sakkutuut atorlugit Nunarput
tiguarniarlugu januaarimi oqarneranit sunnerneqarami qalipagaq „Trump Nuummi“,
100x140 kvadratcentimeterinik angissusilik akrylimik uuliamillu qalipappaa.
Taanna eqqumiitsuliortut peqatigiiffianni Atelier
Østerled-imi ilaasortaavoq, tassanilu aamma Martha Labansen aamma Karen Hilden
ilaasortaapput. Inuit taakku marluk Nunatsinni ilisimaneqarluarput. Martha
Labansenip aappaata Peter Beckip qalipagaq Anders Kelstrupimit pisiaraa.
Kalaallit Nunaannik ilisimasallip allap Niels Fensbop aamma qalipagaq
pisiariniarlugu soqutiginnikkaluarpoq, Peter Beckilli siulliugami
pisiaraa.
Anders Kelstrup nammineq isumaqarpoq, qalipakkap Nuup
eqqaatalu kusanartup Sermitsiarlu tunuliaqutaralugit takuneqarsinnaanera
kusanartuusoq. Tamatumani ilaallutik illoqarfimmi sanaartukkat ilisarnartut,
eqqaassutissat ilaalu ilanngullugit.
Nuummi Trump Tower.
Assi: Poul Krarup
Qalipagaq oqaluttuaralugu oqaatigaa, Trump
timmisartorsuarminik kusanartumik mereersimasoq. Portusoorsualiani Trump-Tower
sanatereersimavaa, sulisuminut inissalik, takornarianut aallartitanullu
akunnittarfittalik. Hans Egedep eqqaassutissatoqaa, naleqqunnerusumik
”Kiffaanngissutsip guutianit arnamit” New Yorkimeersumik
taarserneqarsimavoq.
Nunaqavissunut immikkut nunaliussat Kalaallit ”Nunaqavissunut Inunnut” immikkut nunaliussanut nuutsinneqarsimasut,
qalipakkami takuneqarsinnaapput.
”USA-mi nunap inoqqaavi, (indianerit) 5,5 millionit
missaanniipput, taakkunannga millioni ataaseq nunani immikkut ittumik
illersorneqartumi najugaqarlutik. Taamaattumik Kalaallit Nunaanni Inuit
60.000-iinnaat illersorneqartumi najugaqarnissaat ajornanngeqaaq. Nunami
illersorneqartumi Inuit takornarianit isertitaqarluartarput, taakkuami
kulturitoqaat immikkuullarissoq, atisalersoriaasiat alutornartoq, oqaasii
eqqumiitsut illuikkanilu najugaqarnerat
takuniarlugit orniguttarput. Kalaallit Trumpimut kiffartortut
eqeersimaarnerusut MAGA-nik aappaluttunik nasartaarsimapput,
sakkulersorsimallutik akeqanngitsumillu Tesla-nik atuisinnaallutik. Nunap ilaani illersorneqartumi Inuit
paarivaat imminnullu paaralutik, eqqumiitsuliortoq qalipakkani pillugu
oqaluttuarpoq.
Martha Labansen Holbækimi Atelier Østerled-imi eqqumiitsuliornermik aamma sammisaqarpoq. Aajuna qalipagaa ”Inngili Qernertoq” Maarmorilimmiittoq, tassani zinkimik, aqerlumik, sølvimik saviminissamillu 1973-imit 90-imut piiaasoqarpoq.
Assi: Poul Krarup
Qiperugaq ”Sassuma Arnaa” sissamiittoq inuusuttunit
tininngatillugu ooqattaasartaganngorsimavoq pitsassuaq, qiperugarlu immap
qaavaniittoq takuneqarsinnaasarluni.
Anders Kelstrup-ip nangilluni oqaluttuaraa, nunap
immikkoortua tamanna tamakkerlugu sakkulersorfiusoq, qamussuarnik
sorsuuteqarluni, raket-eqarluni, timmisartoqarluni qulimiguuleqarlunilu, tassa
Kalaallit Nunaat pisuussutaalu nalissaqanngitsut, USA-mi teknologinik
suliffissuarnut pilersuisut aamma Ruslandimit Kinamilluunniit
saassussisoqarnissaannut illersuisussat. Aamma Danmarkip qeqertaq
tigusareqqinniarlugu saassussinissaanut piareersimajumalluni, soorlumi taama
allattoq.
Qalipakkamili immikkuualuttut soqutiginartupilussuit
isiginnaartunut eqqarsalersitsisussat qimerlooriakkit.
