KL

DK

Trumpip oqariartuutai kunngikkormiut tikeraarnissaannut akornusiisut

Droninngissaq Victoria 2025-mi Kalaallit Nunaannut angalarusussimagaluartoq Sverigemi tusagassiorfik allappoq. Skandinaviami kunngikkormiut pingasut 2009-mi pisutut angalaqatigiinniarsimagaluarput. Politikkikkulli pisut pissutigalugit utaqqisariaqarput.

Kunngissat pingasut ilisimasassarsiorluni 2009-mi angalanermi Sisimiunut, Ilulissanut, Sarfannguanut, Qeqertarsuarmut Kangerlussuarmullu tikeraarput.
Morten Okkels Journalist
Saqqummersinneqarpoq

Sverigep droninngissaa Victoria, Norgep kunngissaa Haakon taamanilu kunngissaq Frederik ataatsimoorlutik Kalaallit Nunaannut 2009-mi tikeraarput.

Droninngissaq Victoria 2025-mi upernaakkut assingusumik angalarusussimagaluartoq Sverigemi aviisi Expressen allappoq. Taamaattoqarallarunnanngilarli.

- Maannakkut pissutsit eqqarsaatigalugit tamanna periarfissaanngilaq, Sverigemi kunngikkormiuni paasissutissiisarnermut pisortaa Margareta Thorgren oqarpoq.

Præsident Donald Trumpip Kalaallit Nunaat pillugu oqariartuutai tamatumunngalu atatillugu politikkikkut pissutsit aporfiupput.

Taamaatitsisoqavinngilaq. Angalanissaq suli pilersaarusiorneqarpoq, pilersaarutillu taakku maanna unitsinneqarallarlutik, Margareta Thorgren Expressenimut oqarpoq.

Kunngikkormiut Kalaallit Nunaannut tikeraarnissartik suli kissaatigaat, paasissutissiinermut pisortaq oqarpoq.

2009-mi angalanerminni silap pissusia taassumalu allanngoriartornera immikkut sammineqarpoq, angalanermilu ilisimatusartut arlallit peqataapput.

samfund sverige kongehuset kongebesøg

Atorfiit tamaasa takukkit

– Se alle jobs

Powered by Labrador CMS