Tusaanngamut saaffiginninnerit amerlisut: – Upernaaq sanngiiffiusarpoq

Immaqa aliasussimavutit oqaloqateqarnissamullu pisariaqartitsillutit. Tusaanngamut saaffiginnipputit, oqarasuaalli tiguneqanngilaq sms-kkullu akineqarnak.

Tusaanngamiuna sulisut piffissami matumani ulapittut.

- Upernaaq Tusanngamut ulapaarfiusarpoq. Piffissami matumani ajoraluartumik imminut toquttut arlaqarput. Sapaatip akunnerata siuliani imminut toquttut arlaqarput, amerlasuullu attorneqaatigaat.

- Tamassuma kinguneraa saaffiginnittut amerleriarnerannik. Naatsorsuutigaarput ulapikkallarnerusoq,  Aqutsisoqarfimmi Inulerinermut Immikkoortortaqarfimmi allaffimmi pisortaq, Mette Lange-Nielsen oqarpoq.

Ulapaarneq Tusaanngap qanoq anigussaneraa apeqqutigigatsigu, Lange-Nielsen akivoq pisariaqartitsineq malillugu sulisut ilaqqinniarneqartartut. Kisiannilu saaffiginninnerit kinaassutsimik isertuussinerusarmata piffissamillu inniminniisoqaqqaarneq ajorpat pisariaqartitsinerit qanoq amerlatiginersut nalileruminaattartut.

- Ulapaarfiit misigileraangatsigit, siunnersuisarfimmi sulisut amerliniartarpagut. Kisianni Tusaanngap neqeroorutaa, tassa kinaassutsumik isertuussilluni piffissamillu inniminneeqqaarani saaffiginnissinnaammata, qanoq amerlatigisut saaffiginnittussaanersut eqqoriaruminaattarpoq, aamma oqaloqatigiinneq qanoq sivisutigissanersoq.

- Tamanna isumaqarpoq utaqqisitsineq ingalassimatissinnaasuaannanngikkipput. - aamma qanorluunniit saaffiginnittut sapinngisatsinnik piffissaqarfiginiartuaannaraluarlutigit.

Sianertut iliinnartaraat

Mette Lange-Nielsenip Sermitsiamut nassuiaatigaa sianertut qanoq sivisutigisumik utaqqisariaqartarnerat kisitsisaatiginnikkitsik.

- Takusinnaasagut malillugit takusinnaavarput sianertut amerlanerit akineqartartut. Utaqqisoqarsimatilluguli minutsiniit pingasuniit arfineq-marlunnut sianersimagaluariarlutik iliinnartaraat aamma takusinnaavarput.

- Taamaattumik oqaatigiuminaatsipparput siunners

- Tassa oqarasuaatikkut sianernerup kingorna qanoq sivisutigisumik oqaloqatigineqarsinnaanerput oqaatigisinnaanngilarput, kisianni sulisuvut sulisarput sapinngisamillu piaarnerpaamik akissuteqarniartuaannarpugut.

Innuttaasunut oqariartuut: - Pingaaruteqarputit

- Sianeraluarlutit tiguneqanngippat, misileqqiguk. Tusaanngami sulisoqartuaannarpoq aamma oqaloqatigerusuppaatsit. Pingaaruteqarputit.

- Ernumanartuumiikkuit, illillu allalluunniit inuunerit navianartorsiorpat, ingerlaannaq politiit imaluunniit peqqinnissaqarfik attaveqarfigisariaqarpat.

- Tusaanngami sulisut tamatigut najuuttarmata pingaaruteqarputit, Lange-Nielsen oqarpoq.