Tusassip siulersuisuini ilaasortaq annaagaa

Paneeraq Olsen Siumut sinnerlugu Inatsisartunut qinigassanngortinniarluni aalajangerami Namminersorlutik Oqartussat attaveqatigiinnermut suliffeqarfiutaanni Tusassimi siulersuisuni ilaasortaajunnaarpoq.

Paneeraq Olsen Inatsisartunut qinigassanngortikkami Tusassip siulersuisuini ilaasortaajunnaarpoq.

Toqqorsivimmiit assi: Nina-Vivi Møller Andersen / Sermitsiaq.AG

Jørgen Schultz-Nielsen Jørgen Schultz-Nielsen Tusagassiortoq

Saqqummersinneqarpoq 28. Februaari 2025 - 15:57

Annonse

Politikkikkut suliniuteqaatigaluni Tusass-imi siulersuisuni ilaasortaanissaq ajornarpoq. Tamanna pissutigalugu Paneeraq Olsen Tusassimi siulersuisuni ilaasortaajunnaarpoq, Tusass ilisimatitsivoq.

Tusassip 2024-mi ataatsimeersuarnerani kingullermi Paneeraq Olsen siulittaasup Tulliap tunuarnera pissutigalugu siulittaasutut qinigaavoq, taamaalillunilu sivisunngitsumik ingerlatseqatigiiffimmi ilaasortaalluni.

Ataatsimeersuarneq utaqqigaa

Tusassimi siulersuisuini siulittaasoq Ulrik Blidorf Olsenip tunuarnera pillugu ima oqarpoq:

- Paneeraq periusissiamik nutaamik ilusilersuinermut pitsaasumik peqataavoq, pingaartumik meeqqanut inuusuttunullu tunngasunik ilisimasaqarluarnera isorliunerusunillu ukkataqarluarnera iluaqutigaarput. Suleqatigilluarsimaneranut qutsavigalugulu siunissami ingerlalluarnissaanik kissaapparput

Siulersuisuni ilaasortaaffiup inuttaqanngitsup maajimi 2025-mi ataatsimeersuarneq sioqqullugu inuttassarsiuunneqarnissaa maannakkorpiaq pilersaarutaanngilaq.