Danmarkimi sakkutuut nakkutilliisoqarfiat avannarpasinnerpaaq
ukioq manna ukiunik 50-inngortorsiorpoq.
Taanna tassaavoq Station Nord, ukiuni marlussunni
inoqanngereersoq 1975-imi sakkutuunit isumagineqalersoq. Aallaqqaammut
Amerikamiunit sananeqarpoq, taakkunannga Pituffimmut atatillugu
ajornartoornermi miffissatut silasiorfitullu atorneqarluni. Kingornatigut
sakkutuujunngitsunit atorneqalerpoq, GTO-millu ingerlanneqalerluni,
taakkunanngali 1972-imi atorneqarunnaarluni.
Danmarkimi sakkutuut nakkutilliisoqarfiat avannarpasinnerpaaq
ukioq manna ukiunik 50-inngortorsiorpoq.
Taanna tassaavoq Station Nord, ukiuni marlussunni
inoqanngereersoq 1975-imi sakkutuunit isumagineqalersoq. Aallaqqaammut
Amerikamiunit sananeqarpoq, taakkunannga Pituffimmut atatillugu
ajornartoornermi miffissatut silasiorfitullu atorneqarluni. Kingornatigut
sakkutuujunngitsunit atorneqalerpoq, GTO-millu ingerlanneqalerluni,
taakkunanngali 1972-imi atorneqarunnaarluni.
Station Nord 35-nik illutaqarpoq 1.800 meterinillu
takissusilimmik mittarfeqarluni. Station Nordip ulluinnarni ingerlanneqarnera
sakkutuunit immikkut ilisimasalinnit sisamanit tallimanilluunniit kiisalu
aasakkut suliartortunit isumagineqarpoq. Station Nordimi sulisut
nalinginnaasumik qaammatini 26-ni sulisarput.
Ukiut tallimakkaarlugit umiarsuaqartartoq
Sakkutooqarfik taamaallaat timmisartukkut
tikinneqarsinnnaavoq, immakkut aqqutaa sikumit asseqqasarmat. Taamaallaat ukiut
tallimat missaat qaangiukkaangata aatsaat immakkut tikinneqarsinnaavoq.
Qimussimik alapernaarsuisartut Siriusikkut, Daneborgimit
aallaaveqartut, Station Nord atorlugu Tunup avannaarsuani alapernaarsuisarput.
Sakkutooqarfik tamatuma saniatigut ilisimatusartunit Tunup avannaarsuanit
ilisimatusarnikkut paasisassarsiorniartunit isaaffittut aamma
atorneqartarpoq.
Issittumi Sakkutooqarfiup periarfissaq atorluarlugu, Station
Nord illersornissamut ingerlatsivittut inissisimanerminik nalliuttorsiornerani
pilluaqqusimavaa.
“Station Nord immikkorluinnaq ittuuvoq – oqaluttuarisaanera,
inuit tunniusimanerallu pissutigalugit ukiuni 50-ini pissutsini
ilungersunarluinnartuni atuussinnaasimalluni.
Ukiut ingerlaneranni Station Nordimi kiffartortarsimasut
tamaasa qujaffigaakka — aamma ilissi tamassi malinnaallusilu tapersersuisusi.
Ukiunik akunnaalliliininni pilluarit, Station Nord”,
Issittumi Sakkutooqarfik kunngeqarfiup nakkutilliisoqarfianut avannarlerpaamut
pilluaqqussummini allappoq.
