Upernassarpoq …

Aap, ilumoorpoq. Upernassaannaleqaaq …

Avannaata Kommuniani umiatsiat tulaffissaannik puttasersuisoqalersinnaaqqullugu umiatsialiveqarfiusartuni sikumik qaartitererrattoqarnera upernassarneranut takussutissaalluinnarpoq.

Avannaata Kommuniani umiatsiamik sikup qaavaniittuutillit umiatsialiveqarfiusartuni sikumik qaartiterisoqalersinnaaqqullugu umiatsiaminnik immamut ataasinngormat avalaassueqquneqarput.

Naammassilertortut

- Naammassilertorpugut. Ukiut tamaasa taamaaliortarpugut, nallernissaalu qilanaarineqartaqaaq. Upernarnissaami tamaginnit qilanaarineqartarpoq, Avannaata Kommunianeersoq Ilannguaq Hansen oqarpoq.

- Suliffeqarfimmit sanaartugassiissutinik suliaqartartumeersut qaartitsissutissalersuiniarlutik sikumi qillerillutik marlunngormat ullaakkut aallartipput.

Taamaalioreeramik sikumik marlunngornermi ualisoq qaartiteripput.

- Umiatsiat tulaffissaannik maanna puttasersuileruttorpugut – tassa Ilulissani ullualuit qaangiuppata aasarisseriaannanngussaaq. Qilanaalereerpugullu, Ilannguaq Hansen oqarpoq.