USA-p Iranimi atomimik nukissiorfiit pingasut saassuppai

USA-p Iranimi atomimik nukissiorfiit pingasut saassuppai.

USA-p præsidentia Donald Trump sapaatip unnuaani nammineq nittartakkamini attaveqaqatigiittarfiusumi, Truth Socialimi, taama allappoq.

- Iranimi atomimik nukissiorfiit pingasut iluatsilluartumik saassuppavut, præsidenti allappoq.

Præsidenti naapertorlugu atomimik nukissiorfiit Fordow, Natanz aamma Isfahan. Amerikamiut saassussinermi eqqorneqarput.

- Qaartartunik imaqarluartoq nukissiorfimmut pingaarnermut, Fordowimut nakkartinneqarput. Timmisartut tamarmik ajoquseratik angerlalerput, Trump allappoq.

Trump aamma Truth Socialimi allappoq atomimik nukissiorfik, Fordow, peereersoq.

Israelimi tusagassiorfik KAN israelimi atorfilittaq atilerneqanngitsoq issuarpaa amerikap saassussinera Israel suleqatigalugu ataqatigiissarneqarluarsimasoq.

Israelimi atortilittaq atilerneqanngitsoq iranimiut nutaarsiassaqarfii naapertorlugit uppernarsarpaa atomimik nukissiorfiit pingasut saassunneqarsimasut. Nukissiorfiit qinngornilinnik imaqanngitsut iranimiut tusagassiorfiisa ilisimatitsissutigaat.

USA-mi atorfilik kinaassutsiminik isertuussisoq nutaarsiassaqartitsivimmut Reutersimut oqarpoq saassussinermi USA-p timmisartui qaartartut B-2 atorneqartut.

Timmisartut taakku kisimik USA-p qaartartuinik qaartartumeerinissamut akuerisaasinnaallutillu piginnaassuseqarput.

Qaartartoq taamaattoq 13,6 tonsinik oqimaassuseqartarpoq qaartinnanilu nunap iluani 61 meterisut ititigisumiissinnaasarluni. Qaartartoq taanna qaartartutut sakkortuutut ilisimaneqarpoq.

Ullualuit qaangiuttut Il tusagassiortunik katersortitsinerani Karoline Leavitt oqarmat Donald Trumpip sapaatit-akunneri marluk qaangiuppata aalajangerumaaraa USA Israelip Iranillu akerleriinnerannut akuliunneqassanersoq,  USA-p Iranimut saassussinerit aallartippai

Det Hvide Husimi tusagassiortunik katersortitsinermi tusagassiornermut allatsip Karoline Leavittsip Donald Trump sapaatip akunnerisa marluk ingerlaneranni USA Israelip Iranillu akersuunnerannut akuliutissanerluni aalajangerumaarnerani oqaaseqareersorlu USA saassussivoq.

Sapaatip-akunnera sinnerlugu Israelip Iranillu timmisartukkut saassusseqatigiittarput. 

Israelip Iran tallimanngornerup unnuaani  saassuppaa — Israelikkut naapertorlugit Iran atomimik sakkussiaqalernissaa pinngitsoortinniarlugu.

Trumpip nittartakkamut Truth Socialimut allakkamini nalunaarutigaa sapaatiuppat unnukkut sisamanut nuna tamakkerlugu oqalugiassalluni.

- Una pisoq USA-mut, Israelimut nunarsuarmullu oqaluttuarisaanermut pingaaruteqarpoq. Irani sorsunnermik unitsitseqataasariaqarpoq, præsident allappoq.

USA-p Iranillu Iranip atomimik sakkussiassanik suliniutaa pillugu isumaqatigiissuteqarniarlutik qaammatini kingullerni isumaqatigiinniarput.

Trumpip præsidentitut atuuffiani siullermi nuna marluk akornanni atomimik sakkussiassanik isumaqatigiissut suleqataaffigiunnaarpaa.

Isumaqatigiissut siulleq naapertorlugu Iranip uranimik akuisa annertussusaat annikillisinniarlugu neriorsuutigaa, USA-llu ilaatigut Iranimut pillaatisianik atorunnaarsitsivoq.

Israelip Iranillu akornanni akerleriittoqalerpoq, tamatumalu kingorna USA-p Iranillu isumaqatigiinniarnerat unittooqqavoq.

/ritzau/