Keira
Alexandra Kronvold paniminik Zammimik novembarip arfineq-aappaanni
inunngorneranit akunnerit marluk qaangiuttut pinngitsaalineqarluni arsaagaavoq.
Pinngitsaalineqarluni aarsaagaanerminiilli Keirap, Ilulissat eqqaanni
nunaqarfimmit Qeqertameersup, Stage Advokatfirmameersoq eqqartuussissuserisoq
Jeanette Gjørret peqatigalugu panimi ullut 14-ikkaarlugit nalunaaquttap
akunnerani ataatsimi Thisted Kommunimit akuerisaalluni najorsinnaatitaanera
sivitsorniarlugu sorsuutigaa.
Keira
Alexandra Kronvold paniminik Zammimik novembarip arfineq-aappaanni
inunngorneranit akunnerit marluk qaangiuttut pinngitsaalineqarluni arsaagaavoq.
Pinngitsaalineqarluni aarsaagaanerminiilli Keirap, Ilulissat eqqaanni
nunaqarfimmit Qeqertameersup, Stage Advokatfirmameersoq eqqartuussissuserisoq
Jeanette Gjørret peqatigalugu panimi ullut 14-ikkaarlugit nalunaaquttap
akunnerani ataatsimi Thisted Kommunimit akuerisaalluni najorsinnaatitaanera
sivitsorniarlugu sorsuutigaa.
Akunnermi
ataatsimi najorsinnaatitaagaa
Anaanaasup
panimi najorsinnaanerata sivitsorneqarnera ukioq manna februaarip 14-ianni
aatsaat sivitsorneqarpoq. Sapaatip-akunneri marlukkaarunnaarlugit
sapaatip-akunneri tamaasa nalunaaquttap akunnerani ataatsimi najorsinaalerpaa.
Tamatuma saniatigut Keira ataasiinnarmik sullissisoqarunnaarluni marlunnik
sullissisoqalerpoq.
Qitornami
akulikinnerusumik najorsinnaatitaalerneranik aalajangerneq ikorfartortaasup
naliliinera aallaavigineqartoq suliami allagaatini Sermitsiap
pissarsiarisimasaani atuarneqarsinnaavoq: "Keirap Zammi peqatiginerani
sinittoq qanilligaangamiuk eqqissisimasarpoq, aammali tigugaangamiuk
issiaqatigalugulu.“ Keira maanna milutsitsisinnaanngorlugu
nangilersuisinnaanngorlugulu akuerineqarsimasoq aamma allassimavoq, paniali
aliasulerpat imaluunniit iluaalliulerpat angajoqqaarsiaanut
tunniunneqartassasoq aamma allassimavoq.
Pania najornerani sinittartoq
Kommunimit
ikorfartorti nangilluni allappoq: "Naak Zammi peqatigiinneq tamakkerlugu
sinittaraluartoq, Zammi qasunini pissutigalugu eqqissilluni qasuersaartarnera
maluginiarnarpoq. Aamma peqatigiinnissaq sioqqullugu nerisimalluni qasugaangat
arnarsiaata innartittarneranik pissuteqarpoq, imaanngitsoq Zammi imminut
illersorniarluni sinittariaqartartoq".
Keirap
paniata peqatigiinnerit tamaasa sinittarnera pillugu Keira
eqqartuussissuserisualu naammagittaalliorput. Keirap paniata ullormi tassani
najornissaani qasuallaannginnissaa anguniarlugu angajoqqaarsiaasut
eqqarsaatigisassagaat kaammattuutigaat. Aamma Zammip qanoq innera eqqartornagu
allanik eqqartuisarneq naammagittaalliuutigaat, Keirap soorunami tusarnissaa
soqutigigaluarmagu.
VISO
attaveqatigineqartoq
Keira
Alexandra Kronvoldimut suliap misissorneqaqqinnissaa qanoq ingerlassanersoq,
aamma kommunip ministeriaqarfimmik imaluunniit immikkoortortaqarfimmik nutaamik
VISO-mik oqaloqateqarsimanersoq Sermitsiap Thisted Kommune aperaa. Kiisalu
kommunip nassuerutigineraa Thisted Kommunemi kalaallit ilaqutariit pillugit
suliami kukkusoqarsimanersoq. Inatsisissaq nutaaq akuerineqareerpat suliat
pingasut Thisted Kommunemiittut suliarineqaqqikkumaartut Meeqqanut
Ilaqutariinnullu Ingerlatsivimmi pisortaq Lars Sloth akivoq. Aamma kommunip
”VISO suliap aalajangersimasup qanoq suliarineqarnissaa pillugu maannakkut
attaveqatigigaa” ilanngullugu paasissutissiissutigaa. Suliap suliarineqaqqinnissaanut tunngavissaqanngitsoq
Suliap
ammaqqinneqarnissaanut tunngavissaqanngitsoq Thisted Kommune Keirap
eqqartuussissuserisuanut Jeanette Gjørretimut allappoq:
"Maannakkut
suliap ammaqqinneqarnissaa tunngavissaqanngilaq. Suliaq Meeqqanut
Inuusuttunullu Ataatsimiititaliap oktobarip 24-ani 2024-mi aamma
Isumaginninnermut Nakkutilliisoqarfimmi decembarip aappaani 2024-mi
suliarineqarmat naammattumik paasissutissiissutigineqarsimavoq Meeqqat pillugit
Inatsit naapertorlugu inissiinissamut piumasaqaatit tamakkiisumik
naammassineqarsimasut. Soorluttaaq suliaq Holstebromi Eqqartuussivimmi apriilip
pingajuani 2025-mi suliarineqartussanngortoq. Suliami nutaanik paasissutissiisoqarsimarpasinngilaq
maannakkut allatut inerneqartussamik, taamaattumillu suliaq Thisted Kommunemi
ammaqqinneqassanngilaq.“
