Assammik arsarluni pissartanngorniunnerit Ilulissanut uteqqilerput

Ilulissat ukiuni qulaaluani pissartanngorniutsitsinngereerluni maanna pissartanngorniutsitsinissaminut piareerluinnarpoq.

Arnat iligiiaat tallimat angutillu iligiiat aamma tallimat pissartanngorniunnissaminnut piareeqqapput. Isiginnaartullu unamminermi pissanganeq, misigissutsit ataqatigiinnerlu isiginnaarsinnaassagaar, TAAK tusagassiuutitigut nalunaarummi allappoq.

Qangami

Kingullermik 2016-inimi Ilulissani pissartanngorniuttoqarpoq. Taamaattumik timersoriat, sungiusaasut, isiginnaariallu Ilulissani takussaajumaarput.

Peqataasussat:

• Arnat: K-1933, GSS, NÛK, GSS U20 kiisalu Nagdlúnguaq. 
• Angutit: GSS, NÛK, SAK, Norsaq HC kiisalu Nagdlúnguaq.

GSS assammik arsarluni 2010-mili pissartaasarpoq, angutini arnanilu. Ukiorli manna klubbi alla pissartaariataariaannaavoq:

-  2010-imili GSS arnat angutillu pissartanngorniuuttarnerit tiguaqqavaat – apeqqutaalerporli ukioq 2025 klubbit nutaat GSS ajugaasimaartarneri maanga killitsissaneraat, TAAK allappoq.

Unamminerit tamarmik Ilulissat Timersortarfiani maajip arfernganiit aqqarngata tungaanut pissapput.