B-67 pissartanngoqqippoq

B-67 unammillertiminut IT-79-imut pissartanngorniutivinnermi sapaammi ajugaavoq.

B-67 IT-79-imut sapaatiummat unamminermi 2-1-imik ajugaavoq.

Foto: B-67

Thomas Munk Veirum Tusagassiortoq

Saqqummersinneqarpoq 4. Aggusti 2025 - 08:33

Annonse

Ilimagineqartutut unammiuaarnermilu aaqqissuisut B-67 isikkamik arsaannermi Nunatsinni Pissartanngorput.

Arsaattartut tamarmik Nuummeersut B-67 IT-79-ilu sapaammi pissartanngorniutivillutik unammipput. Unamminermi minutsit aqqaneq-marluk ingerlareersut IT-79-imiit Henrik Johansen isertitsimmat IT-79 siuarpoq.

Unamminerup immikkoortua siulleq naammassimmat IT-79 suli siuaqqavoq, unamminerulli immikkoortuata aappaani B-67 ingerlalluarneruvoq.

Arsaannermi minutsit 70-it ingerlareersut Søren Kreutzmann arsaq niaqormillugu isertitsimmat unammisut naligiilerput.

Minutsit qulingiluat qaangiutiinnartut Angutimmarik Kreutzmann B-67-ip 2-1-imik ajugaassutissaanik isertitsimmat Nuup arsaattarfissuani illersuisut nuannaarlutik nilleqqipput.

B-67-ip ukioq manna pissartanngorniunnermi iligiiaat arfineq-pingasut peqataaffigisaanni pissartaanini attatiinnarpaa.

Bronzennanniunnermi Paamiuneersut N-45 Qeqertarsuarmiullu G-44 unammipput, tassanilu G-44 1-3-mik ajugaalluni bronzennappoq.