Island Games 2025: Timersortartut aqutsisullu 39-it Orkneyimi nunatsinnut sinniisuunissaminnut piareerput
Kalaallit timersortartut 39-it aqutsisullu Island Games 2025-mut peqataanissaminnut piareerput. Tamanna Orkneyimi juulip ulluisa 12-anniit 18-ata tungaanut pissaaq. Taama Timersoqatigiit Kattuffiat tusagassiuutitigut nalunaaruteqarluni allappoq.
Assi: Island Games
Ukioq manna aaqqissuussaq timersuutinik assigiinngitsunik unammisitsissaaq. Kalaallit golfertartut, naluttartut, arpattartut sulorartartullu peqataassapput.
Island Games OL-imut minnermut assingungajappoq, qeqertanit nunarsuarmi tamani peqataaffigineqartarluni. Ukioq allortarlugu aaqqissuunneqartarpoq, nunarsuarmilu qeqertarmiut katersuuffigisarpaat.
Timersuutit
Peqataasussat peqataanissaminnut piareersarluarsimasut anngussimasut ukuupput:
- Golf: Inuit arfineq-marluk peqataassapput.
- Nalunneq: Aqutsisut marluk naluttartullu arfineq-pingasut peqataassapput.
- Timersortartut: 5 kilometerimiit halvmaratonertoqassaaq, arpattartut pingasut toqqarneqarnikuupput.
- Sulorarneq: Aqutsisut pingasut unammisartullu qulit peqataassapput.
- Angalaqatigiiaat misilittagaqarluartunik sungiusaasunik aqutsisunillu angallanneqartussaapput, taakkualu aaqqissuussineq tamakkerlugu timersortartuminnik pitsaanerpaamik tapersersuinissartik ilitsersuilluartarnissartillu qulaakkeerniartussaavaat. Peqatigiiaat nukittuut timersortartumit periarfissarisinnaasaat tamakkersortinniarlugu ikiuinissaminnut uummateqarfiginnilluarlutik ikiuisussaapput, Timersoqatigiit Kattuffiat allappoq naggasiillunilu:
- Timersortartugut angusaqarluarnissaannik naatsorsuuteqarfigilluarpagut, tanngassimaarutissaqartissagaatigullu qularinngilluinnarparput. Medaljannannissaq kisiat anguniarsarinianngilarput, aammali timersornerup anersaava atorlugu, ikinngutigiilluarnissaq, nunani assigiinngitsunik peqataasut akornganni suleqatigiilluartoqarnissaa angorusukkatsigu.
