Illup
iluani meeqqat isikkamik arsaallutik unammersuarnerat Aalasa Cup 2025 Ilulissat
Timersortarfiani 29-31. maj ingerlanneqarmat Qaanaamiit Nuuk tikillugu meeqqat
500-t missaat peqataapput.
Aaqqissuussaq ukiut pingasut matuma siornatigut
timersoqatigiiffik Nagdlunguak 1948-mit, N-48, pilersinneqarmalli peqataasut
aatsaat taama amerlatigipput, aaqqissuussarlu iluatsilluaraluartoq timersortarfik
aaqqissuussanut taama angitigisunut atussallugu tulluukkunnaarsimasoq, N-48-mi
siulittaasoq aamma Avannaata Kommuniani kommunalbestyrelsimi ilaasortaasoq Lena
Ravn Davidsen oqarpoq.
Illup
iluani meeqqat isikkamik arsaallutik unammersuarnerat Aalasa Cup 2025 Ilulissat
Timersortarfiani 29-31. maj ingerlanneqarmat Qaanaamiit Nuuk tikillugu meeqqat
500-t missaat peqataapput.
Aaqqissuussaq ukiut pingasut matuma siornatigut
timersoqatigiiffik Nagdlunguak 1948-mit, N-48, pilersinneqarmalli peqataasut
aatsaat taama amerlatigipput, aaqqissuussarlu iluatsilluaraluartoq timersortarfik
aaqqissuussanut taama angitigisunut atussallugu tulluukkunnaarsimasoq, N-48-mi
siulittaasoq aamma Avannaata Kommuniani kommunalbestyrelsimi ilaasortaasoq Lena
Ravn Davidsen oqarpoq.
Meerarpassuit
peqataasut
Ukioq
manna meeqqat arfineq marluk aamma 13-it ataallugit ukiullit holdit 45-t
peqataapput. Ilulissat avataaniit peqataasut katillugit 374-iupput,
Ilulissaniittullu ilanngullugit meeqqat angallassisullu 500-t sinnerlugit
Aalasa Cup 2025-mut peqataapput.
- Kalaallit
Nunaani meeqqanut sammisassaqartitsinerit annersaata aallartinneqarnissaa
Aalasa Cupip pilersinneqarneranut tunngaviuvoq, tamannalu
timersoqatigiiffippassuarnit tigulluarneqarsimavoq.
- Ukiorlu
manna aaqqissuussaq nunatsinni meeqqanut sammisassaqartitsinerit
annerpaartarinnguatsiarpaat, taanna oqarpoq.
Meeqqat
angallassisullu inissaqartikkumallugit illoqarfimmi festesalit tamaasa
attortorneqarput, taassuma saniatigut timersoqatigiiffiit illuutaasa ilai,
kiisalu Atuarfik Mathias Storchimi init arlallit aamma atorneqarput.
Angalanermut
tapiissutit
Aalasa
Cupimut peqataanermut atatillugu angalaneq klubbit namminneq akilertarpaat,
taakkuli tapiissutinik aamma pisarput.
- N-48,
Timersoqatigiiffiit Kattuffiat aamma Isikkamik Arsaattartut Kattuffiat
suleqatigiillutik timersoqatigiiffiit angalanerannut kommunit
tapiissuteqarnissaat anguniarsimavaat, tamannalu qujanartumik iluatsissimavoq.
- Angalanissamut
tapissuutit amerlassusaat kommunimiit kommunimut assigiinngillat. Avannaata
Kommuniani tapiisarneq eqqarsaatigalugu, meeqqat 18-it inorlugit ukiullit
timersoriarnermut atatillugu angalanerannut holdimut ataatsimut 100 procentimik
tapiisarpugut. Taassuma saniatigut Uummannami 75 procentit, Upernavimmi 80
procentit Qaanaamilu 85 procentit angalanermut tapiissutigineqarput.
- Avannaata
Kommuniani meeqqat timersornermik aallutaqarnerat annertuumik
tapersersorparput, taamaattumik meeqqat sungiusarnerannut atatillugu
timersortarfiit attartorneqartarnerat kommunip tamakkiisumik akilertarpaa, tamannalu
atorluarneqarlunilu qujarunneqartarpoq, Lena Ravn Davidsen oqarpoq.
Meeqqat
nerisaqartinneqarnerat klubbit nammineq isumagivaat. Klubbit ilaasa atuarfiup
igaffia atortarpaat aammali amerlasuut illoqarfimmi neriniartarfinni
nerisarput.
Multihali
pisariaqartinneqartoq
Aaqqissuussanut
taama angitigisunut Ilulissani timersortarfik mikivallaarujussuartoq, tamannalu
ukioq manna Aalasa Cupip ingerlanneqarnerani annertuumik ajornartorsiutaasoq,
Lena Ravn Davidsen erseqqissaavoq.
- Timersoqatigiiffiit
ataatsikkut tamarmik timersortarfimmiissinnaanngimmata meeqqat ilai allat
illoqarfimmi assigiinngitsunik sammisassaqartinneqartarput.
- Assersuutigalugu
meeqqat 50-it missaanniittut takornarissanik angallassisartut atorlugit
Sermermiunut takornariartinneqarput, taassuma saniatigut holdit tamarmik
Kangiata Illorsuanut (Ilulissat Isfjordcenter) katersugaasivinnullu
akeqanngitsumik pulaarnissaannut periarfissinneqarnikuupput, taassumalu
saniatigut assigiinngitsunik aamma sammisassaqartinneqarput, taanna
oqarpoq.
Timersortarfimmi
tattorliuunneq pissutigalugu aammali sinerissami angajoqqaarpassuit
malinnaanissaat qulakkeerniarlugu, isikkamik arsaalluni unamminerit youtubikkut
toqqaannartumik aallakaatinneqarput.
Meeqqaat
nuannaartut
Aalasa
Cup 2025-imut Qaanaamiit meeqqat 24-it peqataapput, taakkulu
nuannisaarsimaqisut, Qaanaaq Sport Club-miit angallasseqataasoq Mads Ole
Kristiansen oqarpoq.
- Meeqqat
peqataanertik nuannarisorujussuuaat, taamaakkaluartoq nukappiaqqani peqataasoq
ataaseq talimigut napivoq, tamannalu angusatsinnut sunniuteqarpoq.
Taamaakkaluartoq aaqqissuussaq iluatsilluarpoq, tassungalu tunngatillugu
aaqqissuisut N-48 annertuumik nersortariaqarput, taanna oqarpoq.
Aalasa
Cup 2026 aappaagu Ilulissani ingerlanneqaqqissaaq.
