Angutit futsalimi 35-t sinnerlugit ukiullit unammineranni Aqisseq 18 ajugaavoq
Sapaammi apriilip 28-ani pissanganartumik unammereernerup kingorna, angutit 35-t sinnerlugit ukiullit futsalimi pissartanngorniunneranni Aqisseq 18 Kangaatsiameersoq kuultinnappoq. N-85 Narsameersoq sølvinnappoq.
Angutit 35-nik ukioqalereersimasut futsalimi GM-erneranni Aqisseq 18 kuultinnappoq. Maani unamminerup naammassinerani N-85-mit Narsameersumit unammineranni.
Sermitsiaq
Angutit 35-t sinnerlugit ukiullit futsalimik pissartanngorniunnerat sapaatiummat unnukkut naammassivoq. Ulluni pingasuni unamminerit siulliit, kvartfinalit, semifinalit naggataatigullu pissanganartumik ajugaaniutivinnerit ingerlanneqareersullu, Aqisseq 18 Kangaatsiameersoq kuultinnappoq.
Aqisseq 18 Kangaatsiameersoq N-85-imut Narsameersumut unammivoq, tassani unamminerup immikkoortuani siullermi iligiit tamarmik 1-1-imik naligiillutik.
Unamminerup immikkoortuata aappaa aallartimmat Aqisseq 18-ip arsaattarfik tiguarpaa aappassaanillu isertitsipallalluni. Unammineq naammassilermat isertitsinermigut 3-1-imik siuarpoq.
N-85 unammineq tamaat akiuulluarsimavoq unamminerullu naalernerani isertitseqqilluni. Unammineq 3-2-mik inerneqarpoq.
Bronzennanniunnermi TM-62 Kulusumeersoq aamma B-67 unammipput. TM-62-ip ajugaanini qulakkeerpaa, taamaalillunilu nunatsinni pissartanngorniunnermi bronzennalluni.
