Angutit utoqqasaat futsalimi ullumi pissartanngorniupput
Angutit futsalimi arsartartut 35-leereersimasut holdit katillugit 17-it ulluni makkunani nunatsinni pissartanngorniupput. Ullumi bronzennanniunnerit kuultinnanniunnerillu ingerlanneqassapput.
S-68 aamma FC Malamuk GM-imi futsalimi angutini +35-ni ukioqartuni kvartfinalimi unamminerat.
Kassaaluk Kristensen
Holdt 17-it puljeni unammisaqattaareersullu, ullumikkut sapaat apriilip 28-ani futsalimi angutini 35-leereersimasuni pissartanngorniutivinnerit ingerlanneqassapput.
Unamminerit siulliit tallimanngormat arfininngormallu ingerlanneqarput, pilersaarutillu malillugit bronzennanniunnermi unammineq nalunaaqutaq 16.40 ingerlanneqassaaq, pissartanngorniunnermilu unammineq nalunaaqutaq 17.20 aallartissalluni.
Timersoqatigiiffiit pingasut futsalimi nunatsinni pissartanngorniunnissamut anngussinnaasimanngillat angallannerup ajornakusoornera pissutigalugu.
Angutini +35-ini futsalimi GM-imi uku peqataapput:
Aqisseq
GSS hold 2
N-85
QSC
Kagssagssuk
B-67 hold 1
NUK hold 2
G-44
N-48
Nagtoralik
SAK
B-67 hold 2
TM-62
FC Malamuk
GSS hold 1
NUK hold 2
S-68
