Futsal
Arnat futsalimi nunanut allanut unammisartut Kroatiami unammiuaartussanngorput
Kalaallit arnat futsalimi unammisartut Kroatiami takussaassapput. Kroatiamummi nunani allanut unammisartullu unammiuaariassamaarput. Futsal Week Kroatiami juunimi pisussami peqataassapput.
Futsal Uge
Kalaallit arnartaat nunanut allanut unammisartut timersuutitik ateriarlugit Kroatiami nunanut allanut unammisartunut unamminissaminnut piareersimalluinnarput. Oqaluttuarisaanermi aatsaavissuaq kalaallit arnartai nunanut allanut unammisartut Futsal Weekimut peqataassapput.
Futsal Week arnanut unammisitsilluni juunip ulluisa 11-aniit 16-nut pissaaq.
Tassani ilaatigut Kroatiamut, Finlandimut, Marokkomut, Polenimyt Italiamullu unammiuaassapput. Tassani Polenimiut, Finlandimiut Kroatiamiullu Womans FUTSAL Euromut siornatigut peqataanikuupput.
Ulloq pingaarutilik sioqqullugu katersuunneq
Kroatiamukanngilaattaa Danmarkimi katersuutissapput, tassani sungiusarneq ikioqatigiinnermullu ineriartortitsineq sammineqassallutik,Kalaallit Arsaattartut Kattuffiat, KAK nalunaruteqarluni allappoq.
- Arnat taamatut unammiuaariarnissaat oqaluttuarisaanermi aatsaat taama pingaaruteqartigaaq, tamannalu Kalaallit Arsaattartut Kattuffianni siulittaasup oktobarimi 2023-mi siulittaasutut qinigassanngortimmat allanngortikkusutaasa pingaarnerit ilagaat. ‘Arnat niviarsiaqqallu anguniarpavut’, KAK-mi siulittaasoq Kenneth Kleist tusagassiuutinut nalunaarummi oqarpoq.
