Avannaata Kommunia: Timersortarfiit ammaannarput
Kalaallit Nunaanni Assammik Arsartartut Kattuffiat, TAAK, allakkatigut kommunit isornartorsiorpai aasaanerani timersortarfinnik matoqqasitsisarnerat pillugu. Avannaata Kommunianili allaavoq. Kommuni ilisimatitsivoq timersortarfiit ammajuaannartut - aamma aasaanerani.
Ilulissani timersortarfik ukiup aappassaa aasaanerani ammatinneqartarpoq. Kommunimi illoqarfinni allani timersortarfiit aamma ammatinneqarput.
Foto: Avannaata Kommunia
Maani ammasarpugut - aamma aasaanerani.
Avannaata Kommunia, TAAK allakkatigut kommunit aasaanerani timersortarfinnik matoqqasitsisarnerat pillugu isornartorsiuereersorlu, taama nalunaaruteqarpoq.
- Qaanaami, Upernavimmi, Uummannami aamma Ilulissani timersortarfiit ulloq unnuarlu ammasarput, taamaasilluni timersornissamut pisariaqartitsinermilu sumiiffissaqarnissamut periarfissaqalerpoq, taama piorsarsimassutsimut, atuartitaanermut, Meeqqerivernermut Ingerlatsivimmi Siulittaasoq, Paarnannguaq Mathiassen oqarpoq.
Timersortarfiit ammasalernerinut atatillugu timigissartarfiit timersortarfiillu ammatinneqartalerput. Sulorartarfiit ikkunneqartarput kikkullu tamarmik arsassaqarput. Illoqarfinni tamani timigissartarfiit atorneqarsinnaapput.
- Neriuppugut meeqqat inuusuttuaqqallu amerlanerusut inuunerissaarnissaat, kiisalu timersuutinut ataatsimoornernullu peqataasarnissaat taamaasiornikkut annertusarneqarsinnaanera pitsaasumik inerititaqarfiujumaartoq, taama Paarnannguaq Mathiassen oqaluttuarpoq.
Ilulissani timersortarfik ukiut aappassaani aasaanerani ammasarpoq. Kisianni aatsaavissuaq unnukkut ammasarnera illoqarfinnut tamanut atuuttoq, Avannaata Kommunia ilisimatitsivoq.
