GIF-mi ilaasortat 11.000-ingajanngortut

Takussutissaqarluarpoq Kalaallit Nunaanni Timersoqatigiit Kattuffiat pingaarutilimmik eqqortumillu takorluugaqartoq siunertaqartorlu, Kalaallit Nunaat nunarsuarmi 2030-mi nunarsuarmi timikkut aalatitsinerpaajussasoq anguniakkamini.

Takorluugaq siunertarlu paasineqarluarsimarpasimmat Kalaallit nunaanni timersoqatigiit kattuffiannut ilaasortanngorartut imaaginnavipput.

- Ilaasortatta amerleriarnerat tulluuasimaarutigeqaarput nuannaarutigeqalugulu. Takussutissiivoq Kalaallit Nunaanni timimik aalatitsineq peqatigiinnerlu annertusiartortoq. Taama angusaqarnitsinnut peqatigiiffippassuit, kajumissutsiminnik suliaqartartut suleqatillu allat qujassuteqarfigaagut, taakkuummatammi killiffitsinnik angusaqaqatigut, timersoqatigiit kattuffianni siulittaasoq, Claus Nielsen oqarpoq.

Ukiut tamaasa peqatigiiffiit ilaasortatik Timersoqatigiit Kattuffiannut nalunaarutigisarpaat. Taakkua nalunaarsuutit timersornermut siuarsaanissamut takussutissatut atorneqartarput kiisalu nunatsinni timersornerup ineriartorteqqinnissaanut tapersiinissamut aalajangiisooqataasarlutik.

Kajumissutsiminnik suleqataasut pingaaruteqartut

Kajumissutsiminnik suliaqartut suleqatillu timersornermut tapersersueqqinnissaat kattuffimmit ilanngullugu kaammattuutigineqarpoq. 

- Kajumissutsiminnik suliaqartut kattuffitsinnut napatitsisuupput. Taakkuullutillu timersornermut tamanut periarfissaqalersitsisut. Suliffeqarfinnut atuarfinnullu innersuussutigissavarput timimik aalatitsinermut periarfissanik pilersueqataanissaat. Peqatigiilluta peqqissuseq peqatigiinnerlu nukittorsarsinnaagatsigu, Claus Nielsen oqarpoq.

Peqatigiiffiit nutaat tikilluaqqusaasut

Peqatigiiffinngorusuttuttaaq Kalaallit Nunaanni Timersoqatigiiffiit Kattuffiannut tikilluaqqusaapput. 

Peqatigiiffiit, ataatsimoorfimmut ilaalernissaminnut soqutiginnittut ilaasortanngorsinnaapput. Kalaallit Nunaanni Timersoqatigiiffiit Kattuffiata ukiortaami aaqqissuussinernik soqutiginartunik ataatsimoornernillu nutaanik siuarsaaqataarusuppoq.