Island Gamesimut peqataasussat toqqagaagallarput
Island Games-mi 2025-imi pisussami peqataasussatut toqqarneqarallartut maanna saqqummiunneqarput. Toqqarneqarallartut takisuumut arpannermut misilittagaqarluartuupput, ilaalu aallarterlaat ilimanaateqarluinnartuullutik. Toqqagaagallartut septembarip aallaqqaataani ilasinnaasut, Timersoqatigiit Kattuffiat nalunaarpoq.
Rene Anda Nielsen, der løb til Island Games i Guernsey sidste år.
Foto: Grønlands Idrætsforbund
Kalaallit arpattartut 12-it Island Games 2025-mut toqqagaanissartik anguniarlugu maanna sungiusarluarsinnaalerput.
Toqqagaagallartut septembarip aallaqqaataani ilasinnaapput, ukuli maannakkut toqqagaagallaqqapput:
Arnani:
- Uiloq Mathæussen
- Kista Hammeken Lennert
- Pipaluk Kristensen
Angutini:
- Inuk Møller
- Michael Clasen
- Martin Møller
- Jannik Knuuteeraq Rosing
- Kim Godtfredsen
- Pilutaq Berthelsen
- Rene Anda Nielsen
- Vitalius Lennert
- Bilo Chemnitz
Sungiusarnerit aallartillualereerput
Timersoqatigiit Kattuffiat tusagassiutinut nalunaarummini allappoq Island Gamesimut sungiusarnerit aallartillualereersut:
- Timersortartuutigut sungiusarput, juulimi aappaagumut sungiusarlutik ineriartussapput. Timersortuaraanni ineriartornissaq ajornannginnerulertarpoq. Toqqagaagallartut qaammammut ataasiarlutik sungiusaasortik naapittarsinnaavaat, tassani sungiusarneq pitsaasumik qaammatit aqqanillit ingerlaneranni pitsanngorsarsinnaaniassammassuk.
Apriilip 15-ianni 2025-imi toqqakkat tamanut saqqummiunneqassapput.
Tapiisussarsiortut
Timersoqatigiiffiup paasissutissiissutigaa Kalaallit Nunaat arnanut sisamanut angutinullu sisamanut 5.000 meterit aamma 10.000 meterit arpannissaannut inissaqartoq, kiisalu Kirkwallsimi halvmarathonernissamut naggasiinissamut.
Taassuma saniatigut arpattartut marluk toqqarneqassapput, pingasullu halvmarathonimut.
Kalaallit arpattartut ikioqqupput:
- Kalaallit Nunaanni arpattartut kattuffeqanngillat, taamaattumillu Island Gamesimut arpattartutsinnut aningaasat killeqartinneqartarput.
- Arpattartutsinnut aningaasatigut tapersersuisoqartuuppat kalaallit timersortartut allat assigalugit arpattartutta unammiuaarnermi angusaqarluarnissartik tamakkiisumik eqqarsaatigisinnaavaat, kattuffik allappoq.
