KL

DK

Karateklubbi Nuummeersoq DM-imi ujaminnarujussuartoq

Odensemi DM-ertoqarnerani Nuuk Shotokan Karate-do-mi karatertartut ilaatigut marlunnik kultinnapput.

Nuuk Shotokan Karate-do-mi karatertartut Danmarkimi shotokan karate-mi pissartanngorniunnerni arlaleriarlutik ujaminnattaapput. (Assit tamaasa takujumallugit tikkuut tooruk)
Nuuk Shotokan Karate-do-mi karatertartut Danmarkimi shotokan karate-mi pissartanngorniunnerni arlaleriarlutik ujaminnattaapput. (Assit tamaasa takujumallugit tikkuut tooruk)
Nuuk Shotokan Karate-do-mi karatertartut Danmarkimi shotokan karate-mi pissartanngorniunnerni arlaleriarlutik ujaminnattaapput. (Assit tamaasa takujumallugit tikkuut tooruk)
Nuuk Shotokan Karate-do-mi karatertartut Danmarkimi shotokan karate-mi pissartanngorniunnerni arlaleriarlutik ujaminnattaapput. (Assit tamaasa takujumallugit tikkuut tooruk)
Nuuk Shotokan Karate-do-mi karatertartut Danmarkimi shotokan karate-mi pissartanngorniunnerni arlaleriarlutik ujaminnattaapput. (Assit tamaasa takujumallugit tikkuut tooruk)
Thomas Munk Veirum
TUSAGASSIORTOQ
Saqqummersinneqarpoq

Nuuk Shotokan Karate-do-mi karatertartut qulingiluat Shotokan Karate-mi DM-imi peqataaqqammerput, pissartanngorniunnermilu angusarissaartut Nuummut ujaminnattaaminnik nassataqarluarput.

DM-imi unammeriaatsit 'kata' aamma 'kumite' unammissutigineqarput, timersoqatigiiffillu tusagassiuutinut nalunaarummi ilisimatitsivoq peqataasut tamarmik piareersarluarsimallutik unamminissamullu piareersimalluarsimasut.

Timersortartut peqatigiiffiata unammiuaarneq sioqqullugu sungiusarnerit nalinginnaasut saniatigut Islandimi sapaatip-akunnera ataaseq sungiusarnissamik aaqqissuussisimavoq, tassanilu DM-imi peqataasut Islandimi nunanut allanut unammisartunut sungiusaasumit Magnus Eyjolfssonimit ilisimasaqarluartumik siunnersorneqarluarsimallutik.

Piareersarluarsimaneq kinguneqarluarpoq, tassami Odensemi DM-ertoqarnerani kuultinik marlunnik, sølvimik ataatsimik bronzenillu tallimanik ujaminnattoqarmat:

- Peqataasut tamarmik takutitsinertik tulluusimaarutigingaarsinnaavaat, unamminermimi sukataarlutik unammilluaramik, timersortartut klubbiat allappoq.

Klubbit ajugaanerpaat arfineq-pingajuattut inissittoq

Nuuk Shotokan Karate-Do ilisimatitsivoq unammiuaarnermi, 250-it sinnerlugit klubbinillu 20-nit amerlanerusunit peqataaffigineqartumi, klubbit ajugaanerpaat arfineq-pingajuattut inissisimalluni.

Ukiut aappassaa Nuummi timersoqatigiiffik DM-imut peqataavoq, angusarissaarnerillu peqataaqqinnissamut sapiissuseqalersitsipput:

- Timersortartut klubbianni piginnaasaqarluartunik unammisartoqarlualilerpoq. Ilisarisimanngisamut unammineq ilikkagassarpassuaqarnarpoq, sungiusaasoq Kasper Dyrberg oqarpoq, taassumalu inuusuttut unammiuaarnermut ilagai.

Angusat:

  • Peter Molich Katami Kumitemilu kuultinnappoq
  • Liv Molich Katami sølvinnappoq
  • Benjamin Malek Pour qulingiluanik ukiulik Katami Kumitemilu bronzinnappoq
  • Rasmus Tang Friis Katami bronzinnappoq
  • Melanie Fjordside Katami bronzinnappoq
  • Kasper Dyrberg Kumitemi bronzinnappoq
Nuummi klubbi DM-imi misilittakkat pitsaasut piginnaasaqarluartullu malitsigisaanik unammiuaarnerni arlalinni peqataaniarluni pilersaaruteqarpoq.
sport timersorneq dm i shotokan karate magnus eyjolfsson kasper dyrberg odense nuuk shotokan karate-do

ATORFIIT Se alle jobs

Powered by Labrador CMS