TAAK-MI SIULITTAASOQ
Suli anguniagaqarpugut VM-imullu peqataanissarput suli siunertaralugu
Arnat nunanut allanut unammisartuisa sungiusaasuannik sungiusaasumillu ikiortaanik soraarsitsisimanertik pissutigalugu TAAK isornartorsiorneqarpoq. Timersoqatigiit Assammik Arsartartut Kattuffianni siulittaasuusimasoq isornartorsiuisuuvoq. Kattuffiup atugai ilungersunartut aningaasatigullu ajornartorsiorneq pissutigalugu sulinerup ilaanik unitsitsariaqarneq TAAK-p siulittaasua oqarpoq.
NÛK-p sungiusaasua Carsten Olsen unammisartunut ilitsersuisoq.
Leiff Josefsen
Timersoqatigiit
arsartartut kattuffianni siulittaasuusimasup Jørgen Isak Olsenip
sungiusaasut marluk soraarsitaanerat isumaqatiginngilluinnarpaa.
Kattuffiup aningaasaatai taama sukkatigisumik ikilisimaneri aamma
tupigusuutigaa.
Timersoqatigiit Assammik
Arsartartut Kattuffianni siulittaasoq Carsten Olsen
isornartorsiuummut akissuteqartinniarlugu Sermitsiap attaveqarfigaa:
- Taamatut inissisimaneq
pakatsinarpoq aningaasaqarnikkulli ajornartorsiuteqarneq
pissutigalugu aaqqissuussinissaq unitsinneqarpoq. Aaqqissuussaaneq
nutarterlugu nunanut allanut unammisartut
ataqatigiissarneqarnissaanut qulakkeeriniffissaq. Nalinginnaasumit
amerlanerusunik suliaqarsimavugut.
Kattuffik
inerisarsimavarput
Aningaasatigut
ajornartorsioraluarlutik kattuffik ineriartortinneqarsimasoq Carsten
Olsen isumaqarpoq.
- Kattuffik
ineriartortipparput. Ilaasortat amerliartorput. Assammik arsarnermut
tamanut piareersimavugut. U18-it arnallu inersimasut VM-imut
anngunniupput. Jakob Larsen piginnaasaqarnermik
ineriartortitsinissaanut isumaqatigiissuteqarfigaarput. Assammik
arsarnermi isumaliutersuutit periusissiallu pillugit maanna
suliniuteqarneq aallartinneqarpoq. Nuna marloriarluta
ataatsimoortipparput - Naalagaaffittut tanngassimaarnikkut. SAk
GM-imut peqataaqqippoq. QAA aallartilluarpoq. Meeqqat
unammiuaarneranni aatsaat taama peqataasoqartigaaq, Carsten Olsen
Sermitsiamut oqarpoq.
Piukkunnartunik
amerlanerusumik ataatsimoortitsinernik suliniuteqarlutik, tassani
timersoqatigiiffiit peqataanerusinnaaqqullugit piareersimalerunillu
aatsaat anngunniunnernut aallartitsisalerlutik, aamma oqaatigaa.
- Anders Friis angutit
nunanut allanut unammisartuini sungiusaasussatut Johannes Grothimut
ikiortaassasoq arnallu nunanut allanut unammisartuini
sungiusaasussamik nutaamik ujartuinissaannik ilaannakoortumik
isumaqatigiissutigaarput.
- Jakob Larsen sungiusaasussatullu piukkunneqartoq alla oqaloqatigileraluarparput. Jakobili Nykøbing Falsterimi isumaqatigiissuteqarnini pissutigalugu nunanut allanut unammisartunut sungiusaasussatut periarfissaanngitsoq paasillutigu.
Pingaarutilinnik
aalajangiisariaqarsimavugut
VM-i piareeqqammertoq
nunanut allanut unammisartunut sungiusaasoq Anders Friis aamma
sungiusaasumut ikiorti Kim O. Petersen nunanut allanut unammisartut
kattuffianni sipaarniartoqarnera pissutigalugu ingerlaannaq
atuutilersumik soraarsinneqarput. Taakku sungiusaasut sipaarniarneq
pissutaalluni soraarsinneqaraluartut kattuffik tamaviaarluni sulivoq.
- Aningaasatigut
inissisimaneq pissutigalugu pingaarutilinnik
aalajangiisariaqarsimavugut, sulili anguniagaqarpugut VM-imullu
peqataanissamut sinaakkutinik isumannaarinninnissarput anguniarlugu
suliniuteqarluta.
- Sungiusaasoq
unammisartunik pitsaanerulersitsissanngilaq timersoqatigiiffimmiliuna
unammisartunilu ataasiakkaani tamanna pisussaq. Sungiusaasup
unammisartut oqaloqatigalugit pitsaanerpaamik unammisarnissaat
qulakkiissavai, Timersoqatigiit Assammik Arsartartut Kattuffianni
siulittaasoq Carsten Olsen naggasiivoq.
