U19-it VM-imut anngunnissaat suli periarfissaasoq

Arnat assammik arsartartut U19-it VM-imut anngussinnaapput.

Siusinnerusukkut allaaserineqareersutut Canadami IHF-imi anngunniunnermi iligiit pitsaanerit marluk VM-imut anngupput. Kalaallit Nunaat normu 3-nngorpoq marlunngormallu unnukkut bronzeuserlutik tikillutik.

Canada, anngunniunnermi ajugaasut, maanna anngunniunnerup immikkoortuata tullianut ingerlaqqipput, tassanilu unamminerit apeqqutaallutik Kalaallit Nunaat VM-imut anngussinnaassanersoq paasinarsissaaq:

- Pissartanngortut , matumani Canada, unamminermut allamut ingerlaqqittarput. Tassanilu Canada ajugaassappat, taakku VM-imut anngutissapput. Taava NACHC-mi inissat marluugamik normu 2-nngortut aamma normu 3-nngortut VM-imut anngullutik. Unammisaqattaarnissat ujariarlugit nalunaarutineqassapput., TAAK-imit nalunaarutigineqarpoq.

Canada unamminermi tullermi ajugaanngippat Kalaallit Nunaat VM-imut anngutinngitsoorsinnaavoq, Canadami nunap immikkoortuani unammiuaarnermi ajugaanermigut VM-imut anngutereermat.