Akissutisinngilagut

Isumaginninnermut ineqarnermullu ministeri Sophie Hæstorp Andersen (S) kalaallit meerartaannik angerlarsimaffiup avataanut inissiisarneq pillugu Folketingimi ammasumik marlunngornermi isumasioqatiginnermi peqataavoq. Ilaqutariit arlallit meeqqaminnik arsaagaasimasut tusarnaariat issiaviiniipput. – Quianaannarpoq. Tupaallappunga, nukappiaqqap pinngitsaalineqarluni meerarsianngortinneqarsimasup ataataa oqarpoq

– Ministerimut pingaaruteqarunanngilagut. Apeqqutit avaqqutaarpai akisussaaffiillu kommunit tunniullugit. Isumasioqatigiinneq iluaqutaanngilaq, Ulrik Olsen oqarpoq, taanna aappanilu Johanne Geisler Christiansborgimi isumasioqatigiinnermi akerliussutsimillu takutitsinermi peqataavoq. Taakkua 2020-mi ernerminnik Finnimik pinngitsaalisaallutik arsaagaapput kingornalu qitornavissianngortinneqarluni.

Assiliisoq: Trine Juncher Jørgensen

Trine Juncher Jørgensen TUSAGASSIORTOQ / JOURNALIST

Saqqummersinneqarpoq 8. Januaari 2025 - 11:52

– Ministerimut pingaaruteqarunanngilagut. Apeqqutit avaqqutaarpai akisussaaffiillu kommunit tunniullugit. Isumasioqatigiinneq iluaqutaanngilaq. Pisinnaatitaaffeqanngilagut. Akiuunnerpulli ingerlatiinnassavarput tunniutiinnassanngilagut, Ulrik Olsen oqarpoq, taassuma aappani Johanne Geisler peqatigalugu Christiansborgimi isumasioqatigiinnermi peqataapput. Taakkua 2020-mi ernerminnik ullunik 18-iinnarnik utoqqaassusilimmik pinngitsaalisaallutik arsaagaapput kingornalu qitornaat qitornavissianngortinneqarluni.

Suliat suliarineqarnerat

Annonse

Suliat suliarineqarnerat

Ministeri Sophie Hæstorp Andersen kalaallit meerartaasa Danmarkimi arsaarinnissutigineqartarnerat pillugu isumasioqatigiinnermi marlunngornermi aggersarneqarpoq.

Ministeri kalaallit meerartaannik Danmarkimi angerlarsimaffiup avataanut inissiinermi Danmarkimi kommunit qanoq suleriuseqarnersut pillugit isumasioqatigiinnermi Aaja Chemnitzimit (Inuit Ataqatigiit), Aki-Matilda Høegh-Damimit (Siumut) Kalaallit Nunaallu pillugu ataatsimiititaliameersunit apeqqarissaarfigineqarpoq. Aamma ministeri nutaanik sunik suliniuteqarniarnersoq, sulianilu kukkusumik suliaqartoqarsimasutut isumaqarnersoq aperineqarpoq.

Eqqarsartaatsinik misissuutit ilaqutariit atugaannik tamakkiisumik, ilaatigut oqaatsitigut kulturikkullu tunuliaqutaannik, isiginninnianngitsut unitsinneqartariaqartut ministeri akivoq. Aamma kommuninut allagaqarsimalluni. Kommunilli meeqqanut tunngasuni suliani aalajangersimasunik aaqqissuussinissamut akisussaassuseqartut ilanngullugu paasissutissiissutigaa.

Suliat suliarineqaqqinnissaannut tunngatillugu kommunit aamma Isumaginninnermut Naammagittaalliuuteqartarfik aalajangiisussaapput. Suliniutinut nutaanut tunngatillugu nuna tamakkerlugu ilisimasanik immikkut ittumik siunnersuisarfimmut (VISO) suleqatigiissitaliortoqartoq, taakkualu ilaqutariinnik kalaallinik sullissisunut siunnersuisarlutillu ilisimasanik ingerlatitseqqiisassasut ministerip oqaatigaa.

Danmark ingasattajaarpa?

Danmarkimi pinaveersaartitsinermut atatillugu meeqqanik angerlarsimaffiup avataanut inissiisoqartarnera ingasappallaarsimanersoq ministerip ernumagineraa Liberal Alliancemiit Kalaallit Nunaat pillugu ataatsimiititaliami ilaasortap Katrine Daugardip apeqqutigaa. Aamma kalaallinut ilaqutariinnut tunngasuni suliani aaqqissuussaasumik kukkusoqartarsimanersoq ministerip ernumagineraa. Ministeri taama isumaqanngilaq. Kalaallit inatsisitigut isumannaatsuunerata attatiinnarnissaanut tunngatillugu apeqqummut naammaginartumik akissuteqartoqanngitsoq isumasioqatigiinnerup kingorna Katrine Daugard Sermitsiamut oqarpoq.

– Ilaqutariit kalaallit pillugit suliat misissorneqarlutillu kukkunersiorneqassasut isumaqarpunga. Assersuutigalugu Langelandimi angerlarsimaffiup avataanut inissiisoqarnikuunerani suliat 240-t kukkusoqarsimaneranik inatsisinillu unioqqutitsisoqarsimaneranik pasitsaassisoqarmat misissorneqarnikuupput.

Isumasioqatigiinnerup kingorna tusarnaartut akornanni silaannaq oqimaappoq. Arlallit qissapput aammalu nilliasoqarluni: "Qitornavut tillippasi“. Isumasioqatigiinnerup kingorna arlallit Christiansborgip saavani allagartarsualerlutik akerliussutsimik takutitsinertik nangeqqippaat.

Keira Alexandra Kronvold paninilu Zoe isumasioqatigiinnermi peqataapput. Keirap pania Zammi novembarimi inoorlaajusoq arsaarinnissutigineqarpoq.

Meeqqat utertissigit

Keira Alexandra Kronvold paninilu Zoe akerliussutsimik takutitsisut ilagaat. Keira novembarimi pinngitsaalineqarluni panimminik inoorlaamik Zammimik Thisted Kommunemiit arsaagaavoq. Tamatuma kingorna panini amerlanngitsunik takuaa — kingullermik juulliaqqap aqaguani nalunaaquttap akunnerani ataatsimi nakkutigineqarluni najorpaa.

– Isumasioqatigiinnermi ministerip arlaleriarluni qiviartarpaanga. Oqaasiili uannut paasiuminaatsorujussuupput. Isumaqarpunga ministeri kommunit qanoq suleriuseqarnerannik ilisimasaqanngitsoq. Suliarli pillugu allattorsimaffimmi salluliuutinik ulikkaarpoq, taamaakkaluartoq ministerip kommunit kukkussuteqarsimanngitsut qularinngilluinnarpaa.

- Sulianik ingerlatsinermi kukkusoqartartoq Danmarkip nassuerutigisariaqaraa isumaqarpunga, taamaattumillu suliat suliarineqaqqittariaqartut. Meeqqat utertissigit meeqqanullu utoqqatserlusi, soorlu paninnut Zoemut. Taassuma pinngitsaaliissumik angerlarsimaffiup avataanut inissinneqarnikuunermini oqaatsini kulturinilu annaanikuuai, maannalu kinaassutsimi nassaariniarnera sukataarutigalugu, Keira Alexandra Kronvold oqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

Sermitsiaq.gl-imi allaaserisat tamakkiisumik atuarsinnaalissavatit
Qaammammut kr. 59.00
Ukiumut kr. 650.00

Pisigit

Sermitsiaq - E-aviisi

Sermitsiaq e-aviisitut tallimanngornerit tamaasa saqqummersartoq atuarsinnaalissavat
Sermitsiaq.gl-imi allaaserisat tamakkiisumik atuarsinnaanngussavatit
Qaammammut kr. 191
Ukiumut kr. 1.677

Toqqaagit

AG - Atuagagdliutit E-aviisi

Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
Sermitsiaq.gl-mi allaaserisat tamakkiisumik atuarsinnaanngussavatit
Qaammammut kr. 191
Ukiumut kr. 1.677

Toqqaagit

Sermitsiaq.AG+

Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
Sermitsiaq e-aviisitut tallimanngornerit tamaasa saqqummersartoq atuarsinnaalissavat
Sermitsiaq.gl-imi allaaserisat tamakkiisumik iserfigisinnaalissavatit
Arnanut e-magasinatut atuarsinnaalissavat
Nutserisoq.gl atorsinnaanngussavat
Soqutiginnikkuit abonnement@sermitsiaq.gl-imut allagaqarsinnaavutit

Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.