Kalaallit atuisartut pisiarisartakkaminnik allannguisimanngillat
Amerikamiullu nioqqutissaataannik mattussinatik.
Niuernermik
ingerlatsisut angisuut marluk pisiniarfippassuaatillit Pisiffik aamma
Brugseni taama oqaaseqarput.
Kalaallit atuisartut pisiarisartakkaminnik allannguisimanngillat
Amerikamiullu nioqqutissaataannik mattussinatik.
Niuernermik
ingerlatsisut angisuut marluk pisiniarfippassuaatillit Pisiffik aamma
Brugseni taama oqaaseqarput.
Europami
atuisartorpassuit Amerikamiut nioqqutissaataannik
pisinaveersaarniarlutik aalajangersimapput, tassa præsident Trumpip
Europamut akitsuutinik qaffaaniarneranut, Ukrainemut
iliuuserisimasaanut aamma Kalaallit Nunaannik tiguaaniarneranut
akerliunerminnik ersersitsiniarlutik.
Ilaatigut
nioqqutissat tusaamaneqarluartut soorlu Heinz, Coca Cola aamma Macs,
burgerinik tuniniaaffiit Mcdonalds aamma Burger King tamatumani
eqqugaallutik. Aamma Elon Muskip biililiaannik Teslanik tuniniaasut
qaammatini kingullerni marlunni tunisaqarpallaarsimanngillat.
Amerikamiut
nioqqutissaataannik mattussinerup aamma kinguneranik, Danmarkimi
tunisassiarineqartartoq Jolly Cola ukiortaap kingorna tunisaanera 311
procentinik qaffariarsimavoq.
Facebookimi
eqimattat peqataaffigineqarluartut
Danmarkimi Facebookimi eqimattat ”Nioqqutissat USA-meersut pisiarisarunnaakkit”, 90.000-inik ilaasortaqarpoq.
Assi: Facebook-gruppen
Danmarkimi
Facebookimi eqimattat ’Nioqqutissat USA-meersut mattutikkit’,
90.000-inik ilaasortaqarpoq, viinninillu tuniniaaviit arlallit
Amerikamiut viinniliaannik tuniniaanerminnik unitsitsisimallutik.
Danmarkimi nioqqutissanik atugassanik nioqqutillit annersaat Salling
Group pisiniarfeqatigiinnik ukuninnga ingerlataqartut Netto, Bilka
aamma Føtex nioqqutissanik Europami nioqqutissianik
nalunaaqutsersuilluni aallartissimavoq, atuisut politikimut
malinnaalluartut Amerikamiut nioqqutissiaannik ajornannginnerusumik pisinaveersaarsinnaaniassammata.
Tamannali
Nunatsinni suli malugisinnaannngilarput.
- Tunisatsinni
kisitsisitigut tamanna maluginngilarput, Nunatsinni Brugsenimi
tuniniaanermut attaveqaqatigiinnermullu pisortaq Benny Reffeldt Otte
oqarpoq.
-
Nioqqutissaaterpassuaqarpugut meqqinillu assigiinngitsorpassuarnik
ilaasortatsinnut pisisartutsinnullu toqqagassaqartitsilluta,
kisianni kisitsisinik takussutissaaateqannginnatta Amerikamiut
meqqiinik pisinissaq maannakkut ingalassimaneqarnersoq
oqaatigisinnaanngilarput.
Taama aamma
oqaaseqarpoq, Pisiffimmi tuniniaanermut, attaveqaqatigiinnermut aamma
suliffeqarfiit inuiaqatigiinni akisussaaqataanerannut qullersaq Tina
Hansen.
- Indtil videre
har vi ikke registreret store bevægelser imod amerikanske varer. Men
vi har allerede alternativer i vores sortiment, hvis kunderne
foretrækker det, siger Tina Hansen.
Iluaqutaanera
qularnartoq Europami
iliuuserineqartut Nunatsinni aamma Brugsenip pisiniarfiini
atuutilernissaat, Benny Reffeldt Ottep qularaa.
- USA-mit
toqqaannartumik nioqqutissat pilersuisutsinnut suleqatitsinnullu
eqqussorneqartartut maanna killeqartorujussuupput. Annerusumik
tassaallutik viinnit Californiameersut tunisassiallu immikkut ittut,
tamakkuli nioqqutissat tuniniakkatta tamarmiusut
ilaminiinnannguaraat.
Aammattaaq
tunisassianik Europameersunik ilisarnaasersuinissaq, soorlu Salling
Group taamaaliorsimasoq, Brugsenip pilersaarutiginngilaa.
- Amerikamiut
nioqqutissiaasa amerlanersaat USA-p avataani
nioqqutissiarineqartarput, taamaattumik maannakkut
pilersaarutiginngilarput Europamiut Amerikamiulluunniit
nioqqutissaannik pisiniarfiutitsinni allagartalersuinissaq, Benny
Reffeldt Otte oqarpoq.
