Keira
Alexandra Kronvoldip, Ilulissat eqqaani Qeqertaneersuuvoq, pania Zammi
novembarimi 2024-mi inuuginnartoq Thisted kommunianit
aarsaarinnissutigineqarpoq.
Taamanikkulli nakkutigineqarluni ullut
14-ikkaarlugit ilagisarpaa.
Keira
Alexandra Kronvoldip, Ilulissat eqqaani Qeqertaneersuuvoq, pania Zammi
novembarimi 2024-mi inuuginnartoq Thisted kommunianit
aarsaarinnissutigineqarpoq.
Taamanikkulli nakkutigineqarluni ullut
14-ikkaarlugit ilagisarpaa.
Keirap pania
Zoe ukiut qulit matuma siorna, taamanikkut qulingilunik ukiulik aammalu
aqqaluaa arfineq-pingasuinnarnik qaammatilik, arsaarinnissutigineqarput. Zoe
Sunbymi ilaqutariinnut inissinneqartoq aqqaluaa ataatamini, taasumalu
angajoqqaavini najugaqalerpoq.
Suliaq
siulleq suliap inerneranut aalajangiisuuvoq
2014-imi
2024-milu arsaarinninnermut tarnip pissusaanik misissuutit
angajoqqaajusinnaanermut piginnaasanik nalilersuinermi aalajangiisuupput. Keira
Alexandra Kronvoldip eqqartuussisorisua Jeanette Gjørret Stage
Advokatfirmaminngaanneersoq aamma siusinnerusukkut eqqartuussisorisimasaa Bruno
Mikkelsen Advokaterne Mikkelseniminngaanneersoq oqarput.
- Paasisakka malillugit suliaq siulleq qularnanngitsumik eqqunngitsumik,
unatuulli kukkusumik tunngavilersuuteqarluni naliliiffigineqarsimasoq uuma
suliap aalajangiiffigineqarnissaanut , Jeanette Gjørret oqarpoq.
Taamani
suliamit paasissutissat nukarliup 2024-mi arsaarinnissutigineqarnernissaanut
suliamut atatillugu tunngavilersuutigineqarsimasut taanna oqarpoq.
Naammattumik
isiginiarneqarsimanngilaq
2014-imi
arsaarinninnermi tunngavilersuutaasimasut, angajoqqaajusinnaanermi
piginnaassutsit misissuiffigineqarnerini, Keirap Kalaallit Nunaanni
inunngortuunera peroriartorsimaneralu isiginiarneqarsimanngillat.
”Isumaqarluinnarpunga
angajoqqaajusinnaanermut piginnaassuseqarnermut misissuisimaneq suliap
inaarneqarsimaneranut aalajangiisuusimassasoq.”
Bruno
Mikkelsenip ukiorpassuarni qallunaat kalaallinut angajoqqaajusinnaanermut
misissuutaat akerleriartarpai.
Eqqartuussisorisoq Bruno Mikkelsen Keirap angajoqqaajusinnaanermut piginnaasanik misissuiffigineqarsimanera suliap inaarneqarnerani aalajangiisuusoq isumaqarpoq.
Assi: Mikkelsen Advokater
- Taanna
suleriaaseq atorunnaartussanngormat iluarisimaarpara. Suliaasimasut tamaasa
aallaqqaataaniit suliareqqinneqarnissaat suliakkiunneqassasoq aamma
inissaminiissoraara, Bruno Mikkelsen oqarpoq.
Qallunaat
kulturiat naleqartitaallu malillugit misissuinerit
Keira
Kronvold meeqqaminik marlunnik 2014-imi arsaarneqarnissani sioqqullugu tarnip
pissusaanik ilisimasalimmik oqaloqatigineqarluni angajoqqaatut
piginnaassuseqanerata misissuiffiginerani periaatsit Rorschach kiisalu Wais-III
atorneqarsimasut Bruno Mikkelsen oqarpoq.
Rorschach
atorlugu misissuinermi siunertaavoq inuup kinaassusaa, piginnaasai kiisalu
misigissutsinut tunngasunik paasisaqarfiginissaat.
”Uani
misissuinermi ajornartorsiut unaavoq Keirap misissorneqarnerani tarnikkut
ilisimasallip qallunaat naleqartitaat kulturiallu aallaavigisimammagit. Keira
Kalaallit Nunaanni inunngorlunilu peroriartornikuuvoq, taamaammallu nammineq
naleqartitani kulturinilu Qallunaat Nunaannut nassarsimavai. Ilaatigut aamma
oqaatsisigut namminerlu qallunaatut paasinnissinnaanera peqqutaallutik taakku
ajornartorsiutit isiginiarneqarsimanissaa pingaaruteqarpoq, tarnip pissusaanik
ilisimasallip nalunaarusiaani taamaattoqarsimanngitsoq uanga isumaqarpunga”,
Bruno Mikkelsen oqarpoq, ilassutigalugulu WAIS-III silassorissutsimut
misissuummut tunngatillugu aamma taamaattoqartoq.
”Qulaani
pineqartut aallaavigalugit Keirap Kalaallit Nunaanni inunngortuunera
peroriartorsimaneralu piginnaaneqarneranik misissuiffiginerani
isiginiarneqarsimanngitsut isumaqarpunga. Angajoqqaatut piginnaassuseqarnerata
misissuiffigineqarnera suliap naammassineqarluni suliarineqarneranut
ilanngunneqarmat isumaqarluinnarpunga suliamut alajangiisuusutut
aallaaviusimasoq.
