Eqqagassalerinerup annertusarneqarnissaa, ilaatigut eqqakkanik nakkutigineqanngitsumik eqqaasitsineq ikuallaasarnerlu inunnut avatangiisinullu annertuumik ajoqutaammat, tamannalu pinngortitamik mingutsitsinermik peqqissutsimullu navianaateqarnermik kinguneqartarmat, eqqagassalerinermut pilersaarut 2020-miit 2031-mut atuuttoq naapertorlugu politikkikkut kissaatigineqarpoq.
Eqqakkat, ingammik nunaqarfinni illoqarfinnilu mikinerusuni, suliarineqanngitsut amerlasoorsuusut, taamaammat pitsaanerpaamik katersorneqarlutillu suliarineqassasut aamma allaaserineqarpoq. Taamaammat eqqakkanut tunngatillugu ajornartorsiuterpassuit ilungersunartut pillugit aaqqiissutissatut pitsaanerpaatut kommunit ataatsimut eqqagassaleriffiannik ESANI A/S-imik 2019-imi pilersitsinissaq isumaqatigiissutigineqarpoq.
Eqqagassalerinerup annertusarneqarnissaa, ilaatigut eqqakkanik nakkutigineqanngitsumik eqqaasitsineq ikuallaasarnerlu inunnut avatangiisinullu annertuumik ajoqutaammat, tamannalu pinngortitamik mingutsitsinermik peqqissutsimullu navianaateqarnermik kinguneqartarmat, eqqagassalerinermut pilersaarut 2020-miit 2031-mut atuuttoq naapertorlugu politikkikkut kissaatigineqarpoq.
Eqqakkat, ingammik nunaqarfinni illoqarfinnilu mikinerusuni, suliarineqanngitsut amerlasoorsuusut, taamaammat pitsaanerpaamik katersorneqarlutillu suliarineqassasut aamma allaaserineqarpoq. Taamaammat eqqakkanut tunngatillugu ajornartorsiuterpassuit ilungersunartut pillugit aaqqiissutissatut pitsaanerpaatut kommunit ataatsimut eqqagassaleriffiannik ESANI A/S-imik 2019-imi pilersitsinissaq isumaqatigiissutigineqarpoq.
Allatut eqqarsarnissaq pisariaqartoq
Kommunit eqqagassatik tamatuma kingorna bigbaginut poortortalerpaat, taakkualu ESANI Shippingip umiarsuaanit North Vikingimit aaneqarlutillu assartorneqartarput. Eqqakkat siornatigut Amagerforbrændingimut Københavnimiittumut assartorneqartarput, ullumikkulli Sisimiuni ikuallaavimmut nutaamut assartorneqartarlutik.
Kommune Qeqertalik ESANI A/S-imi piginneqataagaluartoq illoqarfinni nunaqarfinnilu suli eqqagassalerinermi unammillernartoqangaatsiarpoq, taamaammallu eqqagassalerinermi ajornartorsiutit aaqqinniarlugit allatut eqqarsartoqartariaqarpoq, Kommune Qeqertalimmi borgmesterip tullia siulleq Jens Vetterlain, Naleraq, isumaqarpoq. Kommunip eqqagassalerinermik ingerlatsivimmik suleqateqarnera nukittorsarneqartariaqartoq aamma erseqqissarpaa.
Suleqatigiinnissaq nukittorsarneqassasoq
Kommuni ESANI-mut piginneqataaginnassasoq, suleqatigiinnerlu nukittorsarneqartariaqartoq, kiisalu eqqakkanik pitsaanerusumik isumaginninnissamut periarfissat allat misissorneqassasut Kommune Qeqertalimmi suleqatigiilersut nutaat Demokraatit, Inuit Ataqatigiit aamma Naleraq isumaqarput, Jens Vetterlain Qasigiannguaneersoq oqarpoq. Kommunalbestyrelsip eqqagassalerinermut politikkimut takorluukkat piffissami qaninnerusumi ESANI-mut saqqummiutissagaat taassuma naatsorsuutigaa.
- Kommuni ESANI-mut piginneqataaginnassaaq, suleqatigiinnerlu suli nukittorsarniarlugu suliniuteqassaagut. Maannali pissutsit pitsanngorsarniarlugit Qasigiannguani, Qeqertarsuarmi Kangaatsiamilu ikuallaaviit nutaat pilersinneqarsinnaanersut misissorniarparput, Kommune Qeqertalimmi borgmesterip tullia Jens Vetterlain, Naleraq, oqarpoq.
Foto: Qaasuitsup Kommunia.
Unammillernartut suliniutillu nutaat
Eqqagassalerinermik ingerlatsivik ukiut arfinilkit matuma siorna pilersinneqaraluartoq eqqagassalerinermik pitsanngorsaanissamik anguniagaq suli anguneqarsimanngitsoq Jens Vetterlain isumaqarpoq.
- ESANI Shippingip eqqakkanik aallernissaanut umiarsuarmillu assartuinissaanut qaammatit arfineq-pingasut missaat ingerlasinnaapput. Taamaammat eqqakkat ESANI-p umiarsuaata assartuisartup tikinnissaanut piareeqqaniassammata namminersortutut inuussutissarsiuteqartoq suliffeqarfiup umiarsuaata illoqarfinni nunaqarfinnilu eqqakkanik Aasiannut assartuisinnaanera misissorlugu oqaloqatigileruttorparput.
- Tamannali kommunitsinniinnaq eqqagassalerinermi ajornartorsiutip aaqqiiviginissaanut naammanngilaq. Assersuutigalugu puussiarsuit anartarfinnoortut qimmillu toqungasut isumannaatsumik suliarineqanngillat. Taamaammat Qasigiannguani, Qeqertarsuarmi Kangaatsiamilu ikuallaaviit nutaat pilersinneqarsinnaanersut misissussavarput, taanna oqarpoq.
Kommune Qeqertalik ESANI-mi piginneqataanermut, ilaatigut illoqarfinni nunaqarfinnilu eqqakkanik katersuinermut atorneqartartunik, ukiumut 3,5 millionit koruunit missaannik akiliisarpoq.
Nalunaarut nuannaarutigigaa
Frank Rasmussenip, ESANI-mi pisortaasup, kommunalbestyrelsip nutaap eqqagassalerinermik ingerlatseqatigiiffimmit anerusunnginnini nuannaarutigaa, suleqatigiinnerullu nukittorsarnissaa sulissutiginiarlugu aalajangersimanera isumalluarfigaa.
- Nalunaarut nuannersuusoq eqqorluartorlu isumaqarpunga. Uagut kommunillu qanoq ililluta ataqatigiinnermik tamatuminnga pissarsilluarsinnaanerluta misissussallugu kissaatigaarput. Suleqatigiilluarneq ineriartortinniarlugu piffissaq atortariaqarpoq, maannalu kikkut tamarmik naammagisimaarnissaat anguniarlugu suleqatigiinnissap qanoq ingerlannissaa paasisariaqarparput. Kommuni aalajangersimasumik oqaloqatigisarparput, kisianni qanoq pitsaanerusumik ataqatigiinnerulersinnaanerput pillugu oqaloqatigiinnissamut piareersimavugut, taanna oqarpoq.
Frank Rasmussenilli Kommune Qeqertallip Aasianni ikuallaaviup maanna atuuttup atuinnarumallugu eqqakkanik isumannaatsumik isumaginninnissamut piumasaqaatinik sukannersunik naammassinnissinnaaqqullugu iluarsaannissaanut akuerineqarsinnaanera takorlooruminaatsippaa.
- Ikuallaavinni piumasaqaatit naammassisariaqakkagut ullumikkut ima nutaaliaatigilersimapput ikuallaaviit pisoqqat naammannatik, oqarpoq.
Kommunit eqqagassaat ukiup nikinnerami Amagerforbrændingimut Københavnimiittumut nassiunneqartarunnaarput. Nuummi eqqakkat Nuummi ikuallaavimmut nassiunneqartarput, kommunillu sinnerisa eqqagaat Sisimiuni ikuallaavimmut nassiunneqartarlutik.
