KL

DK

Ikinngutissarsiorneq

Kiserliorneq inuiaqatigiinni utoqqaanernut tatisimanartutut misinnarsinnaavoq. Innuttaasut 79-it sinnerlugit ukiullit sisamararterutaat ikinngutimaarneq ajorput. Illuatungianilli soraarninngorlaat inussilluartaqaat.

Utoqqaliartortilluni ikinngutit ikiliartortarput. Utoqqaalli ilaat ataatsimooqatigiinnikkut naapeqatigiittarput.
Niels Ole Qvist
Tusagassiortoq
Saqqummersinneqarpoq

Utoqqaliartortilluni ikinngutaarukkiartorneq inuunerup ilagiinnarpaa.

Annernartarporli.

Utoqqaliartortilluni ikinngutaarukkiartorneq inuunerup ilagiinnarpaa.

Annernartarporli.

Kisimiileriataartutut misigineq »inuunermilu ilisimannittuerunneq«, tassa ikinngutit qanigisat inuuninni ilaasimasut peerunnerat inuit ataasiakkaat inuunerannut, peqqissusaannut ilorrisimaarnerannullu sunniuteqarsinnaasoq ilisimatuussutsikkut paasineqarsimavoq.

Kommuneqarfik Sermersuumi kiserliortut qassiunersut paasiniarlugu kommunip Utoqqaat Siunnersuisoqatigiivi peqatigalugit Paamiuni, Nuummi, Tasiilami, Ittoqqortoormiini nunaqarfinnilu immersugassaq atorlugu 66-ileereersimasut tamaasa apersorpai. Taakkua pingajorarterutaat, tassa inuit 400-it missaanniittut, immersuisimapput.

Innuttaasut 80-it sinnerlugit ukiullit tallimararterutingajaat ikinngummik naapitsisimanngisaannartut misissuinerup takutippaa. 80-it 90-illu akornanni ukiullit affaasa missaanniittut ilaannikkut akuttunngitsumilluunniit kiserliortarput, sinneri kiserliorneq ajorput — qularnanngitsumik utoqqaat illuannut nuunneq pissutigalugu ilaquttaminnit pulaarneqartarnermikkut.

67-it 79-illu akornanni ukiullit pingajorarterutaat ilaannikkut kiserliortarput, taakkuali tamangajammik naapittakkaminnik ikinnguteqarput - sapaatip-akunnerata qaammatilluunniit ingerlanerani takullattaartakkaminnik. 

Nuannisaqatigiittartut

Utoqqaat — timikkut eqeersimaarnerpaat — aamma kiserliornerpaanngitsut misissuinermut atatillugu allakkani allassimavoq.

- Pinngortitamiinneq ajortut 25 procentii kiserliukkajuttarput, silamiittartulli 2 procentiinnaat kiserliortarput, misissuinerup inernera, juulli sioqqullugu kommunalbestyrelsimi atugarissaarnermut ataatsimiititaliamut saqqummiunneqartoq, taama eqikkarneqarsimavoq.

Ataatsimiititaliaq Savalimmiuni ataatsimoorluni ineriartortitsinermi misilittakkat ilinniarfiginiarlugit

Torshavnimiissimasoq ataatsimiititaliami ilaasortaq Poul Petersen (D) AG-mut oqaluttuarpoq.

Timersorneq pingaartumik utoqqarnut „marloriaammik sunniuteqarpoq“, tassami peqatigiinneq aammali „utoqqaat qanoq sivisutigisumik qanorlu annertutigisumik imminut isumagisinnaanissaannut sunniuteqartartoq” Poul Petersen nassuiaavoq.

Kommuni suliniutinik arlalinnik immersuisitsilluni misissuinerup kingunerisaanik pilersaaruteqarpoq, kingullermik utoqqalinersiallit Nuummi naluttarfimmut sapaatip-akunnera tamaat akeqanngitsumik isersinnaanissaat neqeroorutigineqarpoq. Neqeroorut taanna pillugu ikkussami 72-inik ukiulik Nikolaj Geisler nalukkiartarnermini ikinngutitaartorluarsimasoq issuarneqarpoq.

- Tallimanngornikkut imermi timersortarpugut, naloreeraangattalu kaffisoqatigiittuaannarpugut, oqaluulluta nuannisarlutalu, oqarpoq.

Nikolaj Geislerip inooqataaneranut annertuumik naluttarfik tunngavissiivoq, utoqqaallu utoqqaat klubbianniit Qeersaaneersut naloqatigikulasarpai. Paamiuni haali kiisalu fitness aamma timigissartarfik utoqqarnit akeqanngitsumik atorneqarsinnaavoq aamma Tasiilami sunngiffimmi sammisassat tamarmik akeqanngillat. Immersuisitsilluni misissuinermni utoqqaat ineqarneri, suliffii peqqissusaallu aamma misissuiffigineqarput.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

sundhed samfund paamiut nuuk kommuneqarfik sermersooq inuiaqatigiit ensomhed alderdom venskaber tasiilaq ældreråd

ATORFIIT Se alle jobs

Powered by Labrador CMS